Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak soldadurako profesional gisa trebatzeko ikastaro bat antolatu du

cabecera empleo y promocioneconomica

Sopelako Udalak soldadurako profesional gisa trebatzeko ikastaro bat antolatu du

 

  • Azaroaren 26an hasiko da, 10 eguneko iraupena (50 ordu) izango du eta langabezian dauden edo lan hobea bilatzen duten sopeloztarrei zuzenduta dago. Ikastaroa Nuevas técnicas profesionales-ek eskainiko du Leioan duen egoitzan.
  • Parte hartu nahi dutenek azaroak 5 eta 16 artean eman beharko dute izena https://sopelarin.sopelana.net/kanpainak/web/login.aspx estekaren bitartez.

Langabeziaren aurka borrokatu eta Sopelako langabeak edo lan hobea bilatzen dutenak lan‑merkatura errazago sar daitezen, Sopelako Udalak, Enplegua eta Ekonomia Sustatzeko Sailaren bitartez, soldadurako profesional gisa trebatzeko ikastaro bat jarri du martxan.

Gaur egun, industria‑arloko enpresak soldadurako profesional ugari eskatzen ari dira, soldadura oso erabilia baita ia arlo produktibo guztietan, besteak beste, autogintzan, petrokimikan, untzigintzan, ekipamendu‑ondasunei lotutako jardueretan, eraikuntzan, eta, bereziki, egitura metalikoen eraikuntzan.

Gontzal Hermosilla Sopelako alkateak adierazi duenez, “beste behin, Udalak, ahalegin ekonomiko eta kudeaketazkoa egin du, zeinarekin enplegua sortu, enplegagarritasuna sustatu eta sopeloztarren bizi‑kalitatea hobetu nahi dugun”. Ildo horretan, Teresa Fernández Enplegua eta Ekonomia Sustatzeko Saileko Zinegotziak gehitu nahi izan du “prestakuntza guztiontzako elementu klabe bat da, baina bereziki birziklatu eta lan‑merkatuko eskari berrietara egokitu behar duten langabeentzako”.

Ikastaroa azaroaren 26an hasiko da, eta honako ordutegia izango du: astelehenetik ostiralera 9:00tatik 14:00etara. teoriko-praktikoa izango da, 10 eguneko iraupena(50 ordu) izango du eta banakako kabinetan emango da. Ikastaroa Nuevas técnicas profesionales-ek zuzenduko du eta Leioan duen egoitzan emango da (Iturriondo Kalea, 10, geltokiaren ondoan).

Leku-kopurua mugatua izango da (gehienez 10 pertsona), beraz, parte hartu nahi dutenek azaroak 5 eta 16 artean eman beharko dute izena honako estekaren bitartez: https://sopelarin.sopelana.net/kanpainak/web/login.aspx

Enplegu eta Sustapen Ekonomikoaren Azken Albisteak

article thumbnail  Matxoaren 13 eta 14an Sopela Business Market ekimenaren 3. jardunaldiak izango dira Sopelan. Bertan, mahai-inguruak, berbaldiak eta networking batzarrez gain praktikak egiteko mintegiak eta asmoak azaltzeko txandak egingo dira ekintzailetza proiektuak aurkeztu daitezen. Datorren martxoaren 13an goizeko 9:00etatik aurrera ehundik gora ekintzaile batuko dira Sopelako Kurtzio Kultur Etxean....
article thumbnail Udalerriko komertzio eta negozioen beharretara moldatutako formazio pildora batzuk dira, zeinetan negozioen lehiakortasuna handitzeko konpetentziak, teknikak eta estrategia digitalak jorratuko diren. Sopelako Udalak Enplegu eta Ekonomi Sustapen Arloaren bitartez martxan jarritako eta otsailaren 4an hasi zen “4.0 merkataritza-gaitze aurreraturako programa” indartsu hasi da. Izan ere, komertzio eta...
article thumbnailAisiaren eta astialdiaren sektorearen lehiakortasuna hobetzeko programa aitzindari bat da. Programan parte hartu nahi duten aisiako eta astialdiko enpresei, Bloowatch izeneko, kudeaketa espezializatuko software baten zerbitzua eskaintzen zaie, zeinak urte baten zehar bere negozioen kudeaketarako plataforma digital bat izatea ahalbidetzen dien. Programak surf eta parapente eskolentzako bere negozioetako...
article thumbnail  Diru-laguntzak 2018ko urtarrilaren 1etik urriaren 30era bitartean, abian jarri diren enpresa proiektuetara bideratuko dira. Enpresa proiektu bakoitzerako, gehienez ere 3.000 euroko laguntza izango da eta eskariak aurkezteko epea azaroaren 15era arte egongo da zabalik. Sopelako Udalak, Enplegu eta Sustapen Ekonomikorako sailaren bitartez, 16.000 euro inguru bideratuko ditu Sopelako jarduera...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia