Sopelako Udala - Sopelako ostalaritza-negozioak “Sopela 2022 Gastrobonuak” kanpainara atxikitzeko epea zabalik
Zu hemen zaude: Hasiera Albisteak Sopelako ostalaritza-negozioak “Sopela 2022 Gastrobonuak” kanpainara atxikitzeko epea zabalik

Sopelako ostalaritza-negozioak “Sopela 2022 Gastrobonuak” kanpainara atxikitzeko epea zabalik

 

 

“Sopela 2022 Gastrobonuak” kanpainan parte hartu nahi duten Sopelako ostalaritza-negozioek maiatzaren 26tik ekainaren 4ra arte atxiki ahal izango dira webgune honetan gaitutako plataforma elektronikoaren bidez. Egin klik HEMEN.

Sopelako merkataritza- eta ekonomia-jarduera berreskuratzen laguntzeko, Udalak 4.700 bonu jarriko ditu zirkulazioan ekainaren erdialdetik 2022ko uztailaren 17ra arte, edo agortu arte.

“Sopela 2022 Gastro-bonuak” deskontu-bonuak izango dira, kanpainari atxikitako establezimenduetan erabiltzeko. Bonuaren bidez, 5 euroko deskontua lortuko da 10 euroko erosketa bakoitzeko eta 10 euroko deskontua lortuko da 20 euroko erosketa bakoitzeko.

Aplikazioa

Establezimenduek eurek aplikatuko dituzte deskontu-bonuak, eta, horretarako, onuradunek, aurretik, NAN edo AIZ erakutsi beharko dute ondasunak erosi edo zerbitzuak eskuratzen dituztenean.

Pertsona bakoitzak, gehienez, hogeita hamar euroko deskontua izango du.  Onuradun bakoitzak hainbat ostatutan edo bakarrean erabili ahalko ditu deskontu-bonuak. Era berean, onuradunak erosketa bakarrean ala hainbatetan erabili ahal izango ditu deskontu-bonuak.

Sopelako Udalak 47.000 euro bideratuko ditu guztira, kontsumitzaileek jasoko dituzten deskontuak ordaintzeko

DEIALDIA ETA ERANSKINAK HEMEN: http://www.sopelaudala.org/index.php/es/documentos/cat_view/23-dirulaguntzak-subvenciones/41-doan-lehia-libre-concurrencia

 

 

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia