Zu hemen zaude: Hasiera Albisteak Sopelako Udalak 20.000 maskaren banaketa hasi du udalerriko bizilagun guztientzat

Sopelako Udalak 20.000 maskaren banaketa hasi du udalerriko bizilagun guztientzat

Sopelako Udalak atzo jaso zituen erositako 20.000 maskarak, udalerriko bizilagunak koronabirusaren aurrean babes daitezen. Hala, gaur hasi da lehen unitateak banatzen, herriko etxe guztietako postontzietan sartuko dira. Astelehenetik asteartera bitartean maskara guztien banaketa amaitzea aurreikusten da.

Modu honetan, Sopela udalerriko bizilagun guztientzat babes maskarak dohainik banatuko dituen Bizkaiko lehen udalerrietako bat bihurtu da. Neurri honen bidez, Sopelako Udalak herritarren artean gerta daitezkeen birusa kutsatzeko arriskuak gutxitu nahi ditu, batez ere hurrengo asteetan aurreikus daitezkeen konfinamendu-neurriak gutxituz doazenean.

Maskarak, oso-osorik udalak ordaindu ditu eta poltsa baten banatuko dira, 4 maskara sartuz etxe bakoitzerako. Erabilera bakarreko maskarak dira, kirurgikoak eta esterilizatuak, hiru geruzako TNTan eginak, tolesturekin eta sudurrera egokituak. Kalitate handiko maskarak dira, argi ultramorezko sistemaz esterilizatuak eta CE homologazio ziurtagiria dutenak, hau da, behin erabilteko maskarak dira, eskumena duten Europar Batasuneko erakundeek onartuak, segurtasun eta osasun arau guztiak betetzen dituztenak. 

Honez gain, maskaren bidalketarekin batera Josu Landaluze alkatearen gutun bat ere zabalduko da. Bertan, alkateak, higienearekin lotutako aholkuak gogoratzeaz gain, Sopelako herritarrek erakutsitako elkartasuna eskertuko du eta “sopeloztarren erantzunkizuna” balioan jarri. Amaitzeko, birusari aurre egiteko “batasuna eta indarra” mantentzeko eskaera luzatzen die herritarrei. 

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia