Zu hemen zaude: Hasiera Albisteak Sopelak Putxera Egunaren X. edizioa ospatuko du larunbat honetan, azaroak 2

Sopelak Putxera Egunaren X. edizioa ospatuko du larunbat honetan, azaroak 2

Jada ohikoa denez, beste urte batez, azaroaren lehenengo larunbatean, hilak 2, hitzordu gastronomiko errotuenetariko bat ospatuko da Sopelan: Putxera Eguna. Marmiton Kolektiboak, Sopelako Udalarekin antolatutako ekimenak bere X. edizioa ospatuko du aurten eta hitzordua inoiz baino bereziagoa izango da.

X. Putxera Eguna Marmitoneko kideek antolatuko duten azkenekoa izango da. Hamar urte igaro ondoren, Pepetxinen lagunek agur esango dute eta hurrengo belaunaldiei utziko diete ekitaldiaren antolakuntza.

Beti bezala, izen emateak doakoak izango dira eta 9:00etatik 11:00ak arte egingo dira udaletxeko plazan. Putxerak, aldiz, 12:00ak eta 13:00ak artean aurkeztu beharko dira eta parte-hartzaile bakoitzak bi putxera aurkeztu ahal izango ditu gehienez. Osagaiei dagokionez, txorizoa, odolostea, urdaia eta saiheskia ezinbestekoak izango dira eta txerrikia edota txahal-hegala bezalakoak ere onartu egingo dira.

Sariak ere ugariak izango dira; alde batetik, 10 sari orokor banatuko dira, txapelez, garaikurrez, ikatzez, pizgailuz eta diruz osaturikoak; beste alde batetik, 15 sari herrikoi ere emango dira.

Jai gastronomiko hau erreferente bihurtu da Uribe Kostan eta inguruetan. Izan ere, iaz, marka guztiak hautsi ziren eta ekimenak 166 putxera bildu zituen, horietariko 99 Sopelakoak.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia