Zu hemen zaude: Hasiera Albisteak Sopelako alkateak bere bulegoko ateak ireki die herritarrei

Sopelako alkateak bere bulegoko ateak ireki die herritarrei

Josu Landaluze alkate berriak hartutako lehen neurrietako bat da, ordutegi bat zehaztea bilera pertsonalak egiteko Sopelako bizilagun eta taldeekin. 

Sopelako Udaleko gobernu talde berriak, dagoeneko Josu Landaluze alkatearekin biltzeko aukera ematen die sopeloztar guztiei. Asteazkenero, goizeko 9:00etatik eta 13:30ak arte, herritar orok alkatearekin pertsonalki batzartzeko aukera du. Horretarako, udaletxeko harreran aurretiazko zita eskatu beharko du.

Hartu dugun lehen neurria izan da, herritarrei udaletxeko zein alkatearen bulegoko ateak zabaldu”, esan du Sopelako alkateak, Josu Landaluzek. “Udalaren kudeaketa herritarrengana hurbiltzeaz gain, sopeloztarren eskaera eta arazoei konponbide azkarrak eman nahi dizkiegu”.
 
Orain arte, hogei bizilagun inguru pasatu dira alkate berriaren bulegotik eta gobernu taldeak, bilera hauen balorazio baikorra egiten du. Kudeaketa estiloa, berehalako arretan eta gardentasunean oinarrituko dela esan dute, eraginkorragoak izateko. Era berean, lehenengo une honetan zehaztutako ordutegia luzatzeko aukera ere izango da, herritarren aldetik zerbitzu honen eskaria handia bada.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia