Zu hemen zaude: Hasiera Albisteak Azaroaren 24an Maroc Challengeko aurretiazko irteera Sopelan

Azaroaren 24an Maroc Challengeko aurretiazko irteera Sopelan

 

  • Kutsu solidarioa duen raid bat da, ekitaldi amateurren artean, partaidetza handienetarikoa duena. Sopela, Durango, Iurreta, Arrieta, Artzentales, Berango, Bilbo, Donostia eta Andoainen jatorri duten hamar euskal talde inguruk parte hartuko dute.
  • Egunean zehar ekintza ugari antolatu dira Larrabasterrako Urgitxieta Plazan 11:00ak eta 14:00ak artean eta bertan Rui Cabaco, Maroc Challengeko arduraduna egongo da.

Abenduaren 1ean Maroc Challenge kutsu solidarioa duen raidaren Winter edition-a hasiko da, ekitaldi amateurren artean, partaidetza handienetarikoa duena, mediatikoenetakoa eta nazioarte mailan garrantzitsuenetarikoa dena, hain zuzen ere. Aurten Sopela, Durango, Iurreta, Arrieta, Artzentales, Berango, Bilbo, Donostia eta Andoainen jatorri duten hamar euskal talde inguruk hartuko dute parte.

Okasiorako, Sopelako Udalak bestelako laguntzaileekin batera, aurretiazko irteera bat antolatu du Larrabasterrako Urgitxieta Plazan azaroaren 24rako, larunbata. Egunean zehar, ekintza ugari ospatuko dira 11:00ak eta 14:00ak artean eta bertan Rui Cabaco, Maroc Challengeko arduraduna egongo da. Lehenik eta behin ekimenean parte hartuko duten Euskadiko taldeak plazara helduko dira eta bertan egongo dira erakusgai goiz osoan zehar. Halaber, kotxe klasikoen erakusketa bat egingo da, JapanCar-ekToyotako berritasunak aurkeztuko ditu… dena musika eta Maroc Challengeko argazki eta bideoak proiektatuko dituzten 2 pantailaz giroturik. Goiz osoan zehar Goxo Break kafetegiak eskainitako zenbait opariren zozketak egingo dira. 13:15etan, taldeak aurkeztuko dira eta 14:00etan ibilgailuek euren martxa hasiko dute. Azkenik, Goxo Break kafetegiaren eskutik Gabonetako otzara bat zozketatuko da bertaratutakoen artean.

Ibilbidean zehar parte-hartzaileek Moroko iparraldetik hegoaldera zeharkatuko dute,  Al Hoceimatik Merzougara arte. 2.000km baino gehiago mendi, haran eta desertuetan zehar, abentura bila eta aldi berean, helburu solidario batekin: marokoarrak lagundu.

Hona hemen azaroaren 24an egingo den aurretiazko irteeraren egitaraua bere osotasunean:

  • 11:00-11:30 Parte-hartzaileen iristea Urgitxieta plazara, Larrabasterra
  • 11:30-14:00 Ekintzak Urgitxieta plazan

- Giro-musika eta megafonia 
- Esataria probari buruz informatzen, elkarrizketak… 
- 2 pantaila Maroc Challengeko argazki eta bideoekin 
- Aurretiazko irteeran parte hartuko duten kotxeen erakusketa 
- Kotxe klasikoen erakusketa
- Japan Car Gunea- Toyotako berritasunen aurkezpena

  • 13:15 Taldeen aurkezpena14:00  Maroc Challengeko lehenengo ibilgailuaren irteera
  • 14:10 Gabonetako otzara baten zozketa bertaratutakoen artean

Informazio gehiago: http://marocchallenge.com/

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia