Zu hemen zaude: Hasiera Albisteak Sopelako Udalak 27.000 euro bideratuko ditu emakume eta adinekoen laguntzetara

Sopelako Udalak 27.000 euro bideratuko ditu emakume eta adinekoen laguntzetara

Sopelako Udalak diru-laguntzen bi deialdi berri jarri ditu martxan emakumeen eta adinekoen arloan jarduerak sustatzeko. Udalak guztira 27.000 euro bideratuko ditu, zehazki, 15.000 euro banatuko ditu emakumeen arloan jardueraren bat egin nahi duten Sopelan erroldatutako pertsona fisiko eta egoitza udalerrian duten pertsona juridikoen artean eta beste 12.000 euro adinekoen arloan jardueraren bat egin nahi dutenen artean. Bi kasuetan, proiektuak baliagarriak izan behar dira udalerrirako, Udalak arlo horretan eginiko jarduketak handitu, osatu edota ordeztuko dituztenak, alegia.

Laguntza hauek eman nahi dira Sopelan emakume edo adinekoen arloan egingo diren jarduerak finantzatu ahal izateko 2018. urtean, hain zuzen ere jarduerak egiten dituztenen gastuak ordaintzeko, baita bertan garaturiko jarduera-egitarauen ondoriozko gastuak ordaintzeko ere.

Eskabideak aurkezteko epea irailaren 6ra arte egongo da zabalik.

Oharrak

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

  • 2017eko ekainaren 14a.
    Trafiko-errail baten mozketa





    Eguna: Ekainak 14, asteazkena

    Ordua: 9:15etatik aurrera

    Lekua: Enrike Urrutikoetxea kalea

    Zergatia: pitxadura zigilatzea dela eta

    Semaforo bidezko ordezko pasabidea instalatuko da

     

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia