Zu hemen zaude: Hasiera Albisteak Sopelako Gobernu taldea pozik agertzen da 2017ko aurrekontu akordioan jasotako konpromisoak bete ondoren

Sopelako Gobernu taldea pozik agertzen da 2017ko aurrekontu akordioan jasotako konpromisoak bete ondoren

2016ko abenduaren amaieran, EAJ-PNV, EH Bildu eta PSE-EE alderdiek egungo ekitaldirako garrantzi handikoa izan den aurrekontuen akordioa sinatu zuten. Funtsezko bi zutabetan oinarritutako akordioa, sopeloztarren alde lan egiteko konpromisoa eta desberdinen arean akordiora iristeko konpromisoa

Aipatutako akordioak, proiektu desberdinak eta 2017ko udal kontuetan zehazturiko inbertsio programak garatzea erraztu du, guztira 13,5 milioi euro. Udal kudeaketari egonkortasuna emateko balio izan duen ituna, tokiko ekonomia dinamizatzen eta Sopelako auzokideen bizi-kalitatea eta ongizatea hobetzen jarraitzeko.

Hamaika hilabete geroago, Sopelako Gobernu taldea pozik agertzen da lortutako akordioen betetze maila handiagatik. Gontzal Hermosilla Sopelako alkatearen esanetan “une honetan, 2017ko ekitaldia amaitzear dela, adostutako 13 klausulak gauzatuta daude edota egikaritze prozesuan aurkitzen dira. Gure hitza bete dugu, akordioko puntu guztiak martxan dira”. Alkate sopeloztarrak Gobernu talde honen kudeaketak ezaugarri dituen seriotasun, leialtasun eta konpromiso eta erantzukizun instituzionala azpimarratu ditu.

Halaber nabarmentzekoa da udal gobernua hasia dela Udaleko talde politiko guztiekin hizketan, Gobernu taldeak (EAJ-PNV eta PSE-EE) 2018rako egin duen aurrekontuen proiektua “hobetu” dezaketen proposamen berriak sartzeko.

Zentzu honetan, Hermosillak talde politiko desberdinei elkarrizketa eraikitzailea sustatzea eskatu die ekarpen berriekin kontuak aberastu eta zehaztu ahal izateko. “Sopela guztion artean egiten dugu, baterako proiektu bat da eta ideia horrekin eta jarrera ireki batekin datorren urterako aurrekontuak adostu nahi ditugu” adierazi du alkateak.

Oharrak

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

  • 2017eko ekainaren 14a.
    Trafiko-errail baten mozketa





    Eguna: Ekainak 14, asteazkena

    Ordua: 9:15etatik aurrera

    Lekua: Enrike Urrutikoetxea kalea

    Zergatia: pitxadura zigilatzea dela eta

    Semaforo bidezko ordezko pasabidea instalatuko da

     

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia