Sopelako Udala - Sopelako Udalak espazio publikoak garbitzeko eta desinfektatzeko zerbitzuak indartu ditu
Zu hemen zaude: Hasiera Albisteak Sopelako Udalak espazio publikoak garbitzeko eta desinfektatzeko zerbitzuak indartu ditu

Sopelako Udalak espazio publikoak garbitzeko eta desinfektatzeko zerbitzuak indartu ditu

Alarma egoera hasi zenetik egiten ari diren ohiko erraztatze lanez eta desinfektatze bereziez gain, aste honetan baldekatze kamioi berri bat sartu da, edukiontzietako puntuak eta eremu zehatzak desinfektatzeko. 

11 langilek osatzen dute garbitzeko eta desinfektatzeko operatibo berezia. 

Desinfekzio lanak laburbiltzen duen bideoahttps://www.youtube.com/watch?v=1bH8CHraXus

Alarma egoera deklaratu zenetik, Sopelako Udalak hainbat neurri hartu ditu jende gehien biltzen den espazio publikoetan garbiketa zerbitzua indartzeko eta lehentasuna eman dio bide publikoak desinfektatzeari, udalerria higiene baldintza onenetan mantentzeko eta horrela, Covid-19aren kutsatze posibleak ekiditeko.

Zentzu honetan, azken 5 asteetan, garbitzaileak ohiko erraztatze lanak egiteaz gain, leku jendetsuenak eta hiri altzariak desinfektatzen ari dira: barandak, anbulatorio inguruak, edukiontziak, janari denden inguruak, metro eta autobus geltokiak, posta-bulegoa...

Egunero, ur eta hipoklorito disoluzio bat erabiltzen duen produktu desinfektatzaileko fumigazio motxila bat duen langile bat, ekipo hidrogarbitzaile batekin koordinatzen da, eta furgoneta batean jarrita eremu berberak garbitzen dituzte, baina ordutegi desberdinetan.  

Aste honetan Udalak zerbitzu hau indartu du desinfekzio kamioi batekin. Baldekatze kamioia da eta edukiontzietako puntuak eta gune jakin batzuk garbitzeaz arduratzen da. 

Kamioi honek hasieratik ematen ari garen zerbitzua indartzen du, eta astero egokitzen joan gara. Fronte guztietatik ari gara lanean, ibilgailuekin baina baita kalean oinez ere, jende gehien ibiltzen den puntuak desinfektatuz. Lan isila baina aldi berean funtsezkoa da egiten ari direna birusaren hedapena geldiarazteko, eta nola ez, eskertu eta aitortu beharrekoa", adierazi du Josu Landaluze alkateak. 

Langileen berrantolaketa

Alarma egoera deklaratu aurretik, 10 pertsonak osatzen zuten garbiketa-taldea: 8 langile kaleak garbitzen eta paperontzi publikoak husten, eta beste 2 erraztatze makina mekanikoan. 

Udalak zerbitzua berrantolatu behar izan du eta gaur egun 11 pertsonek osatzen dute taldea : 

  • 7 langile erraztatze lanak egiten/paperontziak husten.
  • 2 langile: bat furgoneta hidrogarbitzaile batean eta bestea fumigazio motxilarekin.
  • Bakar bat erraztatze makina mekanikoarekin.
  • Edukiontziak desinfektatzeko kamioirako aparteko pertsona bat.

Garbiketako operatiboa bi gunetan banatzen da: Sopelako erdigunea eta Larrabasterra. Bietan lanak antzekoak dira, barandak, paperontziak, autobus geltokiak, metro inguruak, semaforoen botoiak, saltokiak, bereziki elikagaienak eta supermerkatuak, farmazia inguruak...

Hidrogarbigailua duen furgoneta gune periferikoetan aritzen da, Asun, Bareñon, Loiolan, Zaldun, hondartzen inguruetan, Urkon edota Garden Centerrera doan errepidean adibidez, beste gune batzuen artean. 

Sopelako Udalak azpimarratu nahi du langileen segurtasuna bermatzeko hainbat neurri hartu dituela, Eusko Jaurlaritzako Osasun Sailak ezarritako neurriak errespetatuz. 

Nolanahi ere, Udalak autobabeserako neurriak errespetatzen jarraitzeko eta kalean ahalik eta denbora gutxien egoteko eskatzen die herritarrei.

Hiritar segurtasunen azken albisteak

article thumbnail  Sopelako Udaltzaingoko agenteak herriko bizilagun bat bortxazko lapurreta-delitu jarraituaren ustezko egile gisa ikertzen ari dira, 10.000 € inguruko balioa duen makina-erreminta lapurtzeagatik. Ertzaintzak eta Udaltzaingoak Sopelako udalerrirako sinatutako lankidetza- eta informazio-protokoloa betez, Getxoko ertzain-etxetik polizia-kidego horretako kideek 2021eko apirilaren 25ean Sopelan...
article thumbnail  Baimendu gabeko joan-etorriak edota maskararen erabilera desegokia antzemateko ohiko prebentzio-kontrolez gain, asteburu honetan, Sopelako Udaltzaingoak beste prebentzio-jarduera batzuk egin ditu, eguraldi ona dela eta, askoz bisita gehiago egiten baitira udalerriko hareatzetara. Udaltzainek hondartzatik oinez egiten diren joan-etorrietan maskara erabiltzea derrigorrezkoa dela gogorarazi behar izan...
article thumbnailSopelako Udaltzaingoa udalerriko 37 urteko bizilagun bat ikertzen ari da, ustez osasun publikoaren aurkako delitu bat egotzita. Gertaera martxoaren 6an izan zen, arratsaldeko 16:07 inguruan, herritarren segurtasunerako prebentzio-lanak egiten ari ziren Sopelako udaltzainek Sertutxa kalean ikusi zuten bi gizonek okupatutako auto batek arreta deitu zienean. Gizonetako bat,  antzeko...
article thumbnail  Sopelako Udaltzaingoak egindako ikerketen ondorioz, 47 urteko gizonezko bat epaileen esku jarri da adingabe baten aurrean exhibizionismo-ekintzen ustezko egile gisa. Poliziaren bulegoetan jasotako salaketan, biktimak adierazi zuen 2021eko urtarrilaren 24ko 21:30ean Martxoak zortzi kalean txakurra paseatzen zuen bitartean, gizon batek kalea gurutzatu zuela eta kotxe baten kapotan jarri zela eta...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia