Sopelako Udala - Sopelako Udaltzaingoak 2018ko San Pedro jaien balantzea egin du
Zu hemen zaude: Hasiera Albisteak Sopelako Udaltzaingoak 2018ko San Pedro jaien balantzea egin du

Sopelako Udaltzaingoak 2018ko San Pedro jaien balantzea egin du

Hurrengo lerroetan, Sopelako Udaltzaingoak, ekainaren 28tik uztailaren 2ra ospatutako Sopelako San Pedro jaietan egindako jarduerak laburbiltzen dira. Martxan jarritako prebentzio jarduera eta salatutako arau-hausteen artean hurrengo hauek azpimarratu behar dira:

  • Hiritarren Segurtasuna babesten duen Lege Organikoaren arauak urratzeagatik, 3 pertsona salatu dira: debekatutako armak izateagatik (labana), objektu arriskutsuak edo sendoak izateagatik (destornilladore bat) eta substantzia estupefazienteak edukitzeagatik.
  • Bi gidari salatu dira droga eta alkohol-kontroletan positibo eman izanagatik. 63 urteko sopeloztar batek 0,33mg/l-ko emaitza positiboa eman zuen. Leioako 37 urteko beste bizilagun bat errotonda batean bidetik atera ondoren egindako alkoholemia proban positibo emateagatik ere salatua izan da.
  • Zortzi pertsona atxilotu eta ikertuak dira. Hiru, bide segurtasunaren kontrako delituengatik. Lau, lapurreta delituengatik (mugikorrak, etab.) eta bestea agintaritzaren agenteei eraso egiteagatik.

Intereseko beste gai batzuk:

- DYA gaueko arretak:

  • Egindako arretak: 16 (gehienak intoxikazio etílikoengatik, bide publikoan erortzeagatik eta kristalekin egindako ebaketengatik)
  • Ospitaleetara eramatea: 5 pertsona
  • Etilismoak: 5 pertsona

- Gauez metroko erabiltzaile kopurua ostiral eta larunbatean: Sopela eta Larabasterrako geltokietako gaueko erabiltzaile kopuruari dagokionez. Datu hauek aztertuz, ostiralean 2017an baino 1.800 bat erabiltzaile gehiago zeudela esan daiteke, larunbatean iaz baino mila eta piku gutxiago egon ziren bitartean.

- Objektu galduak: jaietan objektu galtze ugari erregistratu dira. Beraietako asko bere jabeei bueltatu zaizkie, mugikor eta dokumentazioaren kasuan bai agenteen abisu bidez, bai jabeak Komisariara hurbilduz. Besteak gordetegian geratzen dira jabeak ez direlako agertzen.

- Lapurretak: oharkabean edo trebetasunez eskuratutako telefono mugikor, diru- zorro, poltsa eta beste tresnen lapurreten salaketak jasotzen ari dira. Sopelako Udaltzaingoak 7 salaketa jaso ditu, Ertzaintzak 5 eta Getxoko Udaltzaingoak bat ere ez. Ohi baino kopuru handiagoa da baina ez bereziki esanguratsua jende asko elkartzen den tokietan.

Hiritar segurtasunen azken albisteak

article thumbnailSopelako udaltzainek 27 urteko Sopelako bizilagun bat aurkeztu dute epaitegian, ikertu gisa, otsailaren 6an, igande arratsaldean, aizto handi baten bidez larderiaz egindako lapurreta-delitu baten ustezko egile gisa. Gertakariak 17:45 aldera jazo ziren. Gizon bat Sopelako lokal batean sartu zen eta laban handi bat eskuan zuela, establezimenduko jabeari mehatxu egin zion, bildutako dirua emateko...
article thumbnail  Sopelako Udaltzaingoko agenteak herriko bizilagun bat bortxazko lapurreta-delitu jarraituaren ustezko egile gisa ikertzen ari dira, 10.000 € inguruko balioa duen makina-erreminta lapurtzeagatik. Ertzaintzak eta Udaltzaingoak Sopelako udalerrirako sinatutako lankidetza- eta informazio-protokoloa betez, Getxoko ertzain-etxetik polizia-kidego horretako kideek 2021eko apirilaren 25ean Sopelan...
article thumbnail  Baimendu gabeko joan-etorriak edota maskararen erabilera desegokia antzemateko ohiko prebentzio-kontrolez gain, asteburu honetan, Sopelako Udaltzaingoak beste prebentzio-jarduera batzuk egin ditu, eguraldi ona dela eta, askoz bisita gehiago egiten baitira udalerriko hareatzetara. Udaltzainek hondartzatik oinez egiten diren joan-etorrietan maskara erabiltzea derrigorrezkoa dela gogorarazi behar izan...
article thumbnailSopelako Udaltzaingoa udalerriko 37 urteko bizilagun bat ikertzen ari da, ustez osasun publikoaren aurkako delitu bat egotzita. Gertaera martxoaren 6an izan zen, arratsaldeko 16:07 inguruan, herritarren segurtasunerako prebentzio-lanak egiten ari ziren Sopelako udaltzainek Sertutxa kalean ikusi zuten bi gizonek okupatutako auto batek arreta deitu zienean. Gizonetako bat,  antzeko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia