Sopelako Udala - Sopelako Udaltzaingoak lehenengo sorospenen inguruko ezagutzak eguneratu ditu
Zu hemen zaude: Hasiera Albisteak Sopelako Udaltzaingoak lehenengo sorospenen inguruko ezagutzak eguneratu ditu

Sopelako Udaltzaingoak lehenengo sorospenen inguruko ezagutzak eguneratu ditu

 

2017ko maiatzean udaltzainek eta udal langileek jasotako bihotz-biriketako bizkortze eta desfibriladoreen erabilerari buruzko prestakuntza-ikastaroaren osagarri gisa, atzo, apirilak 19, Udaltzaingoaren agenteek lehenengo sorospenen inguruko eguneratze ikastaroa burutu zuten.

Jardunaldi teoriko-praktikoa, DYAko langileek zuzendu zuten eta Kurtzio kultur etxean egin zen. Parte hartzaileek bihotz-biriketako bizkortze, desfibriladore erdiautomatiko, eztarriko trabamendu eta odoljarioen inguruan jaso zuten formazioa.

Gauzak horrela, Sopelako Udalak Sopela kardio-babestutako udalerri bihurtzeko aurrerapausoak ematen jarraitzen du, Udaltzaingoaren agenteek erreanimazioaren inguruan dituzten ezagupenak aldizka berrituz. Jazoerarekiko duten gertutasuna dela eta, lehenengo interbentzioa Udaltzaingoarena izaten da, hortaz, beharrezkoa da erreanimazio eta osasun-asistentzia tekniken ezagutzak izatea.

Zentzu horretan, aipatzekoa da herritarren segurtasuna bermatzeko, Sopelako Udalak 2017ko apirilean 12.000 euro inguru bideratu zituela hamabi desfribiladore instalatzeko udalerriko zenbait gunetan, besteak beste: Udaletxea, Udaltzaingoaren bulegoak, Liburutegia, Euskaltegia, Itzartu Emakumeen Elkartea, Kurtzio kultur etxea, Urko eraikinaren sarrera eta kirol-zonaldea (frontoia eta igerilekuak).

Hiritar segurtasunen azken albisteak

article thumbnailSopelako udaltzainek 27 urteko Sopelako bizilagun bat aurkeztu dute epaitegian, ikertu gisa, otsailaren 6an, igande arratsaldean, aizto handi baten bidez larderiaz egindako lapurreta-delitu baten ustezko egile gisa. Gertakariak 17:45 aldera jazo ziren. Gizon bat Sopelako lokal batean sartu zen eta laban handi bat eskuan zuela, establezimenduko jabeari mehatxu egin zion, bildutako dirua emateko...
article thumbnail  Sopelako Udaltzaingoko agenteak herriko bizilagun bat bortxazko lapurreta-delitu jarraituaren ustezko egile gisa ikertzen ari dira, 10.000 € inguruko balioa duen makina-erreminta lapurtzeagatik. Ertzaintzak eta Udaltzaingoak Sopelako udalerrirako sinatutako lankidetza- eta informazio-protokoloa betez, Getxoko ertzain-etxetik polizia-kidego horretako kideek 2021eko apirilaren 25ean Sopelan...
article thumbnail  Baimendu gabeko joan-etorriak edota maskararen erabilera desegokia antzemateko ohiko prebentzio-kontrolez gain, asteburu honetan, Sopelako Udaltzaingoak beste prebentzio-jarduera batzuk egin ditu, eguraldi ona dela eta, askoz bisita gehiago egiten baitira udalerriko hareatzetara. Udaltzainek hondartzatik oinez egiten diren joan-etorrietan maskara erabiltzea derrigorrezkoa dela gogorarazi behar izan...
article thumbnailSopelako Udaltzaingoa udalerriko 37 urteko bizilagun bat ikertzen ari da, ustez osasun publikoaren aurkako delitu bat egotzita. Gertaera martxoaren 6an izan zen, arratsaldeko 16:07 inguruan, herritarren segurtasunerako prebentzio-lanak egiten ari ziren Sopelako udaltzainek Sertutxa kalean ikusi zuten bi gizonek okupatutako auto batek arreta deitu zienean. Gizonetako bat,  antzeko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia