Zu hemen zaude: Hasiera Albisteak Sopelako Udaltzaingoak 2017ko jardunen balantze positiboa egin du

Sopelako Udaltzaingoak 2017ko jardunen balantze positiboa egin du

Sopelako Udaltzaingoak 2017an zehar trafiko, segurtasun eta herritarren arretarekin lotuta egindako lanen urteko txostena ezagutzera eman du. Alberto Lopez, Udaltzainburuak “positiboki” baloratu ditu jasotako datuak eta “Sopelako herritarrentzako kalitatezko zerbitzuak bermatzen segitzeko, urratsak ematen” jarraitu behar dela baieztatu du.   

Bere aldetik, Gontzal Hermosilla, Sopelako Alkateak aukera aprobetxatu nahi izan du udaltzainen lan nekaezina eskertzeko, herritarren segurtasuna bermatzeko duten ardura dela eta. Hermosillak “herritarren segurtasuna bermatu eta udalerriko trafikoa antolatu zein erregulatzeko dituzten zereginetan, Udaltzainen ahalegina eta profesionaltasuna” goraipatu ditu. 

Iaz, 2016ko trafiko istripuei dagokionez, 9 pertsonek zauri arinak izan zituzten eta hildakorik gabeko 91 istriputan arreta eta estaldura eskaini zuen Udaltzaingoak. Mantendu edo murrizteko xedez finkatutako kopuru txikiak dira, Autonomia Erkidegoko Planak 2020 urtera arte ezarritakoa betetzeko: hildakoen kopurua erdira murriztu eta zauritu larrien kopurua txikiagotzea.

Sopelako Bide Segurtasuna hobetzen jarraitzeko hiru ardatz estrategiko 

Udal sopeloztarrak urte hasieran udalerriko Bide Segurtasuna handitzeko 3 ardatz nagusi finkatu zituen:

1. Zaintza eta Kontrola Euskal Autonomia Erkidegoko BSPE 2015-2020aren esparruan:
 
Udaltzaingoak modu aktiboan hartzen du parte eta zenbait kontrol Ertzaintzarekin batera egiten dira, bi polizia kidegoen artean sinatutako Protokoloan zehaztutako elkarlanaren esparruan.
 
Hauek dira orain arte Sopelako Udaltzaingoak Bide Segurtasunerako Plan Estrategikoko helburuak erdiesteko aipatutako Zaintza eta Kontrol kanpainekin lotuta, 2017. urtean egindako prebentziozko kontrolen emaitzak: 
 
•Guztira kontrola egin zaien ibilgailuak = 688
•Alkoholemia probetara meneratutako gidariak = 263 (62 positibo, % 23,57) 
•Droga kontroletara meneratutako gidariak = 66 (46 positibo, % 69,69) 
•IAT (ibilgailuen azterketa teknikoa) eguneratu gabe = 53 (kontrolatutako ibilgailu guztien % 7,7a) 
•Aseguru gabe =  13 (% 1,8)
•Administrazio Baimen eguneratu gabe (gida baimena) =  20 (% 2,9)
•HSBLO* arau hausteak (Drogak, armak… edukitzea) = 17
•Bide Segurtasunaren kontrako Delituak = 17 
 
Udaltzainei proposatutako urteko adierazlea, alegia, udalerriko gidarien % 5a alkohol eta droga probetara meneratzea, bete da, baina Udaltzaingoak Gabonetan alkohol eta droga kontsumoaren kontrolak eta zaintza areagotu ditu.
 
2. Hitzaldi-tailerrak eta eskolen inguruko guneen babesa:
 
Udaltzaingoak Nagusien Etxean hitzaldi-tailerrak ere egin ditu bereziki nagusien harrapatzeak prebenitzeko. Nagusi hauek mugikortasun arazoak aurkezten zaizkien tokietan  Bide Segurtasuna hobetzeko ekarpenak egin dituzte. Halaber, Udaltzainak egunero joaten dira Zipiriñe Eskola eta Ander Deuna Ikastolako ikasleen sarrera/irteera erregulatzera.
 
3. Bide azpiegiturak hobetzea:
 
Lan batzuk martxan dira eta beste batzuk 2018ko aurrekontuetan egikaritzea aurreikusten dira. Udalerriko bideak hobetzeko ezarriko diren neurrien artean honakoak nabarmentzen dira: orohar irisgarritasun/mugikortasunarekin lotutako hobetzeak herriko zenbait gunetan, ikastetxeetarako sarbideen hobetzea, gune seguruagoak bihurtu daitezen eta bestelako hobetzeak (Olabide asfaltatzea…)
 

 

 

Hiritar segurtasunen azken albisteak

article thumbnail  Sopelako Udaltzaingoko agenteek, udalerriko bizilaguna den 21 urteko gizonezko bat atxilotu dute gaur goizean zenbait auzotar, arma baten erreplikarekin mehatxatzeagatik. Gertaera goizeko 09:48ak aldera izan da. Udaltzaingoak dei bat jaso du azaltzen, Jauregizar plazako taberna batean aurkitzen zen gazte bat, beste gizonezko eta emakumezko bat mehatxatzen ari zela pistola batekin, esaldi...
article thumbnail  Gabon jaien atarian gaudenez, piroteknia-materiala saltzeko Legeak ezartzen dituen betekizun nagusiak gogorarazi nahi dizkizu Sopelako Udaltzaingoak. 1.-  Piroteknia-materiala  saltzeko  baimena  izan behar da. Lizentzia hori lortzeko Gobernuaren Bizkaiko Ordezkaritzara joan behar da, Moyua Plazako 5. Zki.an kokatua, Bilbon. 2.- Ezin dira saldu banakako artikuluak. Adituak ez diren...
article thumbnailSopelako Udaltzaingoak 2017an zehar trafiko, segurtasun eta herritarren arretarekin lotuta egindako lanen urteko txostena ezagutzera eman du. Alberto Lopez, Udaltzainburuak “positiboki” baloratu ditu jasotako datuak eta “Sopelako herritarrentzako kalitatezko zerbitzuak bermatzen segitzeko, urratsak ematen” jarraitu behar dela baieztatu du.    Bere aldetik, Gontzal Hermosilla, Sopelako Alkateak aukera...
article thumbnailSopelako Udaltzaingoko agente batek, Ertzaintzako beste batekin batera, hitzaldi bat eskaini zuten Jubilatuen Etxean pasa den irailaren 21ean, arratsaldez. Etxeko aretoa beteta zela, Agenteek adinekoei, bere etxebizitzetan zein kalean, lapurreten biktima izatea ekiditeko zenbait aholku eman zizkieten. Agenteek bereziki azpimarra jarri zuten eskualdeko pertsona nagusiak gehiagotan inplikatuta...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia