Sopelako Udaltzaingoak lapurreten prebentzioaren inguruko hitzaldi bat eskaini du jubilatuen etxean

Sopelako Udaltzaingoko agente batek, Ertzaintzako beste batekin batera, hitzaldi bat eskaini zuten Jubilatuen Etxean pasa den irailaren 21ean, arratsaldez.

Etxeko aretoa beteta zela, Agenteek adinekoei, bere etxebizitzetan zein kalean, lapurreten biktima izatea ekiditeko zenbait aholku eman zizkieten. Agenteek bereziki azpimarra jarri zuten eskualdeko pertsona nagusiak gehiagotan inplikatuta izaten diren delituan: “besarkada solidario”.     

Hitzaldia, Lagun Artea Elkarte sopeloztarrarekin elkarlanean antolatu zen eta giro atseginean garatu zen. Bertaratutakoen parte hartzea ere handia izan zen,  lapurreten inguruko kontu gehiago ezagutzeko nahia erakutsi zuten.