Zu hemen zaude: Hasiera Albisteak Irekita XVII Sopelako Herri Lasterketako izen-emateak

Irekita XVII Sopelako Herri Lasterketako izen-emateak

  • Bildutako diru guztia aprendeTEA (Autismo Espektroaren Nahasteak eta Asperger dituzten Familien Prestakuntza eta Aisiaren Sustapenerako Elkartea) elkartearentzat bideratuko da.
  • Parte hartu nahi dutenek martxoaren 11tik 21era izango dute izena emateko aukera munarri.blogspot.com.es, Deportes Bikila, Kantxa Kirol Modan eta martxoaren 20an eta 21ean Sopelako Kurtzio Kultur Etxean.

XVII. urtez jarraian, partaidetza, elkartasuna eta konpromisoaren aldeko topaleku bilakatuko da Sopela martxoaren 24an Sopelako Udalak eta Munarri Atletismo Taldeak antolatutako Sopelako Herri Lasterketari esker.

Aurreko urtean bezala, aurten ere, bildutako diru guztia aprendeTEA (Autismo Espektroaren Nahasteak eta Asperger dituzten Familien Prestakuntza eta Aisiaren Sustapenerako Elkartea) elkartearentzat bideratuko da. Hortaz, Senior eta Beterano mailakoentzat 2 euroko dohaintza ezarri da eta gainerakoentzat euro batekoa. Ordainketa dortsala jasotzeko unean burutuko da, hots, lasterketaren egunean Udaletxean edo, martxoaren 20an eta 21ean, 18:00etatik 20:00etara Sopelako Kultur Etxean.

Parte hartu nahi dutenek martxoaren 11tik 21era izango dute izena emateko aukera munarri.blogspot.com.es web orrialdean, Deportes Bikilan (Euskalduna 7, Bilbo), Kantxa Kirol Modan (Torrene 4, Algorta) eta martxoaren 20an eta 21ean Sopelako Kurtzio Kultur Etxean (18:00-20:00). Aipatzekoa da probaren egunean ezin izango dela izenik eman.

Guztira 7 kategoria egongo dira, besteak beste: Txikiak (2011-2014 eta 2015tik aurrera), Umetxoak (2010 eta 2009), Umeak (2008 eta 2007), Gaztetxoak (2006 eta 2005), Kadeteak (2004), Gazteak (2003 eta 2002) eta gainontzeko kategoriak. Adinaren arabera distantzia desberdinak ibiliko dituzte parte-hartzaileek (400m, 800m, 1.200m, 1.500m, 3.000m eta 7.700m). Sariei dagokionez irabazleen artean dominak eta garaikurrak banatuko dira.

Irteera eta helmuga Sabino Arana kalean egongo dira, Udaletxearen aurrean eta parte hartzaileek udal igerilekuetako dutxak eta aldagelak erabili ahal izango dituzte.

Informazio gehiago: http://munarri.blogspot.com/

Kirolaren azken albisteak

article thumbnailSopelako Udalak, Serviocio BeOne taldearekin batera, #NikEtxeanEntrenatzenDut programa jarri du abian. Entrenamendu birtual hau erabat doakoa izango da, etxetik bertatik ariketa fisikoa egiteko, aktibo eta forman jarraitzeko asmoarekin.  Interesdunek, etxean egin ahal izateko 300 klase birtual baino gehiago izango dituzte aukeran (tonifikazioa, dantza, HIIT, meditazioa, yoga, pilateak). Etxean...
article thumbnail  Eusko Jaurlaritzaren gomendioei jarraituz, eta Koronabirusa biztanlerian zabal ez dadin, bertan behera uztea erabaki da, martxoaren 29an egin behar zen XVIII. Herri Lasterketa, besterik jakinarazi arte.  Sopelako Udalarekin lankidetzan, antolatzaileek, lasterketa egiteko aukerak aztertzen ari dira, urtero ehunka pertsona biltzen dituen lasterketa solidario hau egiteko asmoz.  Ospakizunaren datari...
article thumbnailSeigarren urtez jarraian, Sopelako Udalak eta Hirubi Triatloi Taldeak 600 parte-hartzaile inguru bilduko dituen Larrabasterrako San Silvestre lasterketa solidarioa jarri dute martxan. Ekimena abenduaren 31an egingo da, asteartea, Urgitxieta plazan hasiko da 17:00etan eta 18:15ean bukatuko da, gutxi gorabehera. Guztira, 3 kategoria egongo dira, bakoitza dagokion ibilbide eta irteera orduarekin (0-7...
article thumbnailUztailaren 14an, igandea, Sopelako Udalak eta Munarri Atletismo Taldeak hogeigarren urtez jarraian antolatutako "Patxi Ros Saria" lasterketa nudista ospatuko da Barinatxeko hondartzan. Ekimena, 11:00etan hasiko da eta jada ohikoa denez, bi kategoria izango ditu: testimoniala, kilometro batekoa eta absolutua, 5 kilometrokoa. Absolutuko lehenengo hirurek saria jasoko dute. Halaber, lasterketako...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia