Zu hemen zaude: Hasiera Albisteak Sopelako Udalak padel pistetako belar artifiziala berriztatu du

Sopelako Udalak padel pistetako belar artifiziala berriztatu du

Padel3
Sopelak guztiz eraberritutako padel pista berriak ditu. Sopelako Udalak, udal igerilekuen alboan kokatzen diren padel pista bietako belar artifiziala berriztatzeko lanak amaitu ditu. 2014.urtean, pisten aterpearen lanek belar artifizialean eragindako kalteak konpontzeko helburuarekin egindako zaharberritze lanak izan dira. Hala, egun baldintza ezin hobetan aurkitzen diren pistak ditu udalerriak.

Eraberritze lanei dagokionez, obra hauekin padel eta tenis-pista profesionalen zelaia aldatu dute, baita jolas anitzeko pisten zelaia ere. Guztira, lanek 9.670,80 euroko aurrekontua izan dute.

Erresistentzia eta iraunkortasun handiko belarra

Padel pistak, herritar askok eskatutako instalazioak dira. Gauzak horrela, emango zaien erabilera ezagututa, kalitate gehiagoko eta erresistentzia zein iraunkortasun handiagoko zelaia instalatzea erabaki du Udalak. Belar artifizial berria, urradura maila baxua duten eta %100ean polietilenozkoak diren hariez dago osatua. Zelai berriak bost urteko edo 12.000 jolas-orduko bermea dauka eta Espainiako Kirol Kontseilu Orokorraren Padel Liburuak aholkatzen dituen instalazio, erabilera eta mantenimendu baldintzak betetzen ditu.

Ordutegia eta erreserbak

Ordutegiari dagokionez, pistetan erreserbak goizeko 8:00etatik, arratsaldeko 20:00etara egin ahal izango dira (jolastu daitekeen azken ordua, beraz, 20:00etatik 21:00etara izango da).

Erreserbak zuzenean igerilekuetako eraikinean egingo dira eta pisten alokairuari dagokionez, ezin izango da telefonoz erreserbarik egin.

Kirolaren azken albisteak

article thumbnailSeigarren urtez jarraian, Sopelako Udalak eta Hirubi Triatloi Taldeak 600 parte-hartzaile inguru bilduko dituen Larrabasterrako San Silvestre lasterketa solidarioa jarri dute martxan. Ekimena abenduaren 31an egingo da, asteartea, Urgitxieta plazan hasiko da 17:00etan eta 18:15ean bukatuko da, gutxi gorabehera. Guztira, 3 kategoria egongo dira, bakoitza dagokion ibilbide eta irteera orduarekin (0-7...
article thumbnailUztailaren 14an, igandea, Sopelako Udalak eta Munarri Atletismo Taldeak hogeigarren urtez jarraian antolatutako "Patxi Ros Saria" lasterketa nudista ospatuko da Barinatxeko hondartzan. Ekimena, 11:00etan hasiko da eta jada ohikoa denez, bi kategoria izango ditu: testimoniala, kilometro batekoa eta absolutua, 5 kilometrokoa. Absolutuko lehenengo hirurek saria jasoko dute. Halaber, lasterketako...
article thumbnail Uztailaren 12, 13 eta 14an surf egokituaren nazioarte mailako ekitaldi garrantzitsuenetariko bat ospatuko da Arrietara hondartzan, mundu osoko 70 surflari profesional baino gehiagoren partaidetzarekin. Peña Txuri Surf Taldeak, Alvin Bayona Fundazioak eta @haimandelpozo-k antolatutako txapelketak 8 kategoria izango ditu eta 17.000 euro banatuko dira saritan. Sariak berdinak izango dira...
article thumbnailZortzigarren urtez jarraian, Sopelako Udalak eta Hirubi Triatloi Taldeak antolatutako Duatloi Txikia ekimena ospatuko da Sopelan ekainaren 8an. Aurten ere Udaletxeko plazak emango dio hasiera eta bukaera lasterketari. Parte hartzaileak  10:00ak eta 12:30ak artean irtengo dira eta urtero lez, kategoria desberdinak antolatu dira.  Distantziak adinaren araberakoak izango dira eta 2018 eta 2005...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia