Zu hemen zaude: Hasiera Albisteak "Futbola kalean" txapelketaren II. edizioa ospatuko da domekan Larrabasterran

"Futbola kalean" txapelketaren II. edizioa ospatuko da domekan Larrabasterran

Bigarren urtez, "Futbola kalean" txapelketaren jardunaldi bat antolatu du Athletic Fundazioak Larrabasterran, Sopelako Udalaren lankidetzagaz. Hitzordua igande honetan, martxoak 8, 10:30etik 13:30era Larrabasterrako Urgitxieta plazan izango da, eta jolasteko araua oso argia izango da: ez dago inolako araurik!

Hori da, hain zuzen ere, "Futbola kalean" txapelketaren helburua, kaleko futbolaren filosofia berreskuratu. Parte-hartzean eta jolasean oinarritutako futbola bultzatu nahi dute: lagunekin ondo pasatzeko, entrenatzaile barik, epaile barik... ondo pasatzea helburu duen jolasa, besterik ez!

Parte hartzeko adina honakoa da: alebinak (2003 eta 2004 urteetan jaiotakoak) eta benjaminak (2005 eta 2006 urteetan jaiotakoak). Talde bakoitzeko lau jokalari egongo da, atezain barik. Partida bakoitzak 10/15 minutuko iraupena izango du.

Talde irabazleak eta antolakuntzak aukeratutakoak (fair play eta Athleticen baloreak kontuan hartuta) hurrengo fasera pasako dira futbol 7-ko talde bat bezala, bere herria ordezkatuz, 10 jokalariz osatutako talde bat eginez. Finala ekainaren 14an jokatuko da, Lezaman.

Partidetan ez da egongo epailerik, eta, beraz, jokalariek eurek arautu beharko dute partidua. Ados jarri ezean, antolakuntzak erabakiko du.

Izena emateko hiru bide daude: telefonoz 902 014 357 zenbakira deituta, www.futbolkalean.com web orrian edo partiduaren egunean bertan.

Sopelako Udalak dei berezia egiten die emakumeei, txapelketan parte har dezaten.

Kirolaren azken albisteak

article thumbnail    Ugeraga Kirol Elkarteak, FIT Learning Systems S.L enpresarekin batera eta Sopelako Udalarekin lankidetzan, "Ugeraga Futbol Eskola" ekimena abiarazi du. Online eskola bat da, eta berdintasunean, indarkeriaren prebentzioan, lehen laguntzetan, teknologien erabileran, kirola eta desgaitasunean… oinarritutako baloreei eta gaitasunei buruzko prestakuntza-bideoetarako doako sarbidea eskainiko du. ...
article thumbnailSopelako Udalak Kirol Kontseilu Gorenak edota autonomia-erkidegoak horrela kalifikatutako eta Sopelan erroldatutako kirolari, teknikari edota epaileentzako diru-laguntzak jarri ditu martxan.  Deialdiaren zenbatekoa 12.100 eurokoa da eta goi-mailako edota errendimendu handiko kirolari, teknikari edo eta epaile bezala ebatzitakoak finantzatzea du helburu. Eskariak aurkezteko epea abuztuaren  25era...
article thumbnailSopelako Udalak, Serviocio BeOne taldearekin batera, #NikEtxeanEntrenatzenDut programa jarri du abian. Entrenamendu birtual hau erabat doakoa izango da, etxetik bertatik ariketa fisikoa egiteko, aktibo eta forman jarraitzeko asmoarekin.  Interesdunek, etxean egin ahal izateko 300 klase birtual baino gehiago izango dituzte aukeran (tonifikazioa, dantza, HIIT, meditazioa, yoga, pilateak). Etxean...
article thumbnail  Eusko Jaurlaritzaren gomendioei jarraituz, eta Koronabirusa biztanlerian zabal ez dadin, bertan behera uztea erabaki da, martxoaren 29an egin behar zen XVIII. Herri Lasterketa, besterik jakinarazi arte.  Sopelako Udalarekin lankidetzan, antolatzaileek, lasterketa egiteko aukerak aztertzen ari dira, urtero ehunka pertsona biltzen dituen lasterketa solidario hau egiteko asmoz.  Ospakizunaren datari...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia