Zu hemen zaude: Hasiera IRAUNKORTASUNA Aukera ON

Aukera ON

Martxan da Uribe Kosta Zerbitzu Mankomunitatearen aukeraon.net web orria

Dagoeneko aktibatuta dago Uribe Kostako biztanleek bigarren eskuko gauzak saldu, trukatu edo oparitzea ahalbidetzen duen web orria.

Uribe Kosta Zerbitzu Mankomunitatearen Iraunkortasun eta Kontsumo sailek www.aukeraon.net web orria jarri dute martxan.

Uribe Kostako biztanleriari bereziki zuzenduta  dagoen orri hau etxean ditugun eta dagoeneko erabiltzen ez diren gauzak erakusteko gune bat da, gauzok hondakin bihurtzea ekidingo duena.

Arropak, jostailuek, liburuek, kirola egiteko materialak… bigarren bizitza izan dezakete aukeraon.net-i esker. Eman beharreko urratsak oso errazak dira. Lehenengo, web orrian erabiltzaile gisa izena ematea da. Behin alta prozesua bukatuta, iragarkiak argitaratzeko momentua da. Horretarako, deskribapen labur bat eta objektua irudikatzen lagunduko digun argazki batzuk baino ez dira behar. Azkenik, iragarkia zein mailatan sailkatu nahi dugun aukeratu behar dugu: trukatu, oparitu, saldu, alokatu, mailegatu edo partekatu.

Mankomunitateko teknikariek iragarkiaren edukiak berrikusiko dituzte, eta dena zuzena bada, behin betiko argitalpena egingo da.

Kotxea partekatzea ere aukeran

Aukeraon.net web orriak, bestalde, kotxean ohiko nahiz noizbehinkako bidaiak egiten dituzten pertsonak harremanetan ipintzeko aukera ere eskaintzen du, egoera berdinean dauden beste pertsona batzuekin bidaia eta gastuak partekatzeko.

Aukeraon kalera

Aukeraon.net web orria eskualdeko auzotarren artean ezagutzera emateko asmoz, AUKERAON Bigarren eskuko objektuen azoka antolatu da, irailaren 28rako. Hitzordua Sopelako Jauregizar plazan (eguraldi txarra eginez gero, frontoian) izango da, 10:00etatik aurrera. 43 mahai jarriko dira, eta bertan, eskualdeko eta beste herrietako pertsonek trukatu edo saldu nahi dituzten bigarren eskuko gauzak ikusgai egongo dira.

Iraunkortasuneko azken albisteak

article thumbnailMartxoan herritarrei eskatu zitzaien altzaririk eta bolumen handiko hondakinik ez botatzeko, zabor-bilketako langileak eskaintzen ari ziren  zerbitzu bereziengatik, hala nola, desinfektazio zerbitzuak koronabirusaren hedatzea geldiarazteko. Hala, Udalak hurrengoa jakinarazten du: Astelehen goizetan, altzarien eta tamaina handiko hondakinen bilketa berriro aktibatuko da. Maiatzaren 10etik...
article thumbnailKoronabirusaren hedatzearen ondorioz bizitzen ari garen egoera berezia dela eta, Sopelak Udalak bidegorriak eraikitzeko martxan jarritako txapelketan jasotako ideiak jasotzeko epea zarratu du, eta hauen ebaluazioa eta publikazioa ere atzeratu egin behar izan du. Txapelketa, bizikleta garraio jasangarri gisa sustatzeko helburuarekin antolatu zen.  Zentzu honetan, Udalak proposamenak aurkeztu...
article thumbnail Gris koloreko edukiontziak udaletxearen aurrean, Larrabasterran, Arrietaran eta Atxabiribil inguruan jarri dira.  Tapoien bilketarekin lortzen den dirua egoera ahulean dauden pertsonei eta kolektiboei edo proiektu solidarioetara bideratuko da. Lehen bilketa honetan jasotzen den diru guztia Sanfilippo Sindromea duten haurren familia eta lagunez osaturiko Euskadiko Sanfilippo Elkarteari emango...
article thumbnailSopelako Udalak martxan jarri du bere Udal Energia Plana 2019-2030 aldirako. Dokumentua Udalaren webgunean dago kontsultagai. Hurrengo esteka honetan klik eginez deskargatu dezakezu: http://sopelaudala.org/index.php/es/documentos/cat_view/10-iraunkortasuna-sostenibilidad Ekimen honen bitartez, Udalak egungo egoeraren diagnostiko bat egin nahi du, ondoren hainbat neurri zuzentzaile proposatu,...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia