Sopelako Udala - SOPELAKO HONDARTZAK
Zu hemen zaude: Hasiera IRAUNKORTASUNA SOPELAKO HONDARTZAK

SOPELAKO HONDARTZAK

SOPELAKO HONDARTZAK

Sopelak 3 hondartza ditu, udalerriko erakargarri turistikoetako bat direnak. Barinatxe, Arriatera-atxabiribil eta Meñakoz hondartzek milaka lagun erakartzen dituzte urtero Sopelara, udan ez ezik, urte osoan zehar surf egiteko.

Baina hondartzak gune sentikorrak dira ingurumenaren aldetik, eta gure jokabideak bereziki arduratsuak izan behar du ingurune horretan. Hondakinak hondartzara eramatea saihestu behar dugu, eta lehentasuna eman behar diogu kantinplorak edo fianbrerak erabiltzeari. Azkenean hondartzan hondakin bat bota behar badugu, zakarrontzi egokian utzi beharko dugu BETI. 

Uraren kontsumo arduratsua egitea ere garrantzitsua da. Sopelako hondartzetako kontsumoak gora egiten du urtero, eta 2020an erabiltzaile bakoitzeko 18-60 litro kontsumitzen ziren.

Hondartzak ere interes bereziko inguruak dira biodibertsitateaz ari garenean. Garrantzitsua da gogoratzea erabat debekatuta dagoela Barinatxeko dunetan eta Ingestako itsaslabarretan mugatutako eremuetatik ibiltzea. Eremu horiek bereziki kalteberak diren flora eta faunako habitatak eta espezieak kontserbatzeko guneak dira.

Esteka honetan ARRIATERA-ATXABIRIBIL HONDARTZAKO AZKEN INGURUMEN ADIERAZPENA deskarga dezakezu. Bertan ingurumen arloko informazio asko kontsulta daiteke. Horretarako HEMEN SAKATU

Guztion artean, hondartzara egiten dugun bisita segurua izan dadin eta ingurunean inpaktu txikiagoa izan dezan eragin dezakegu.

HONDARTZAK SEGURTASUNEZ BISITATZEKO GOMENDIOAK 2021

  • Bizkaiapp plataforman hondartzaren okupazio-maila kontsultatzea gomendatzen da, pilaketak saihesteko.
  • Hondartzaz gozatu ahal izateko, gehienez 3 orduko egonaldiak egitea gomendatzen da.
  • Maskara erabiltzea nahitaezkoa da barruko espazio guztietan (komunak, Sopelbus, surf eskolak), bai eta hondartzan paseatzeko eta hareatzara sartzeko eta bertatik irteteko joan-etorrietan ere.
  • Bainugela publikoetako edukiera mugatua izango da. Aldagelak eta barruko dutxak itxita egongo dira. Langileen jarraibideak bete behar dira uneoro.
  • Eusko Jaurlaritzako Osasun Sailaren argibideei jarraituz, zakarrontzi guztiak hareatik kanpo izango dira, hareatzetarako sarbideetan.
  • Hondartzetan lan egiten duten surf eskolek kontingentzia planak dituzte COVID19ren aurrean. Gozatu arduraz eta bete zentro horietako arduradunek ematen dizkizuten jarraibideak.

 

Iraunkortasuneko azken albisteak

article thumbnail2021-2022 ikasturtea bukatu berri, Iberre eta Ander deunako gazteak Sopelako udaletxetik pasatu ziren urtean zehar Eskola Agenda 2030aren baitan egindako lana aurkeztera. Eskola Agenda 2030 proiektua Uribe Kosta Zerbitzu Mankomunitatek diruz lagundutako proiektua da eta  Sopelako ikastetxeetaz gain, Plentziako institutuak ere hartzen du parte. Eusko Jaurlaritzaren Ingurumen Sailaren...
article thumbnailKontsulta publikoa hamar egun baliodunekoa izango da, 2022ko ekainaren 13tik 27ra arte. Epe horretan, interesdunek beren iritziak eta ekarpenak aurkeztu ahal izango dituzte ezarritako lekuetan. Sopelako Udalak partaidetza prozesu bat burutuko du Etxeko eta Merkataritzako Hondakinen Ordenantza egiteko eta espazio publikoaren garbiketaren inguruko ordenantza berria garatzeko.Gai horretan...
article thumbnailEraztun Berdea Sopelako ingurune naturala eta kulturala zaintzeko proiektu bat bezala aurkezten da, eragile instituzional, politiko eta sozialen arteko lankidetza konstruktiboan garatua, udalerri hobe bat lortzeko. Lankidetza horri lekua emateko, Eraztun Berdearen Kontseilua sortuko da eta hitzarmen estrategikoa sinatu duten edo etorkizunean sinatuko duten instituzio eta entitate eragileak parte...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia