Zu hemen zaude: Hasiera Albisteak Ekainaren 20an, parte hartu herritarren foroan!

Ekainaren 20an, parte hartu herritarren foroan!

Sopelako Udala 2012. urtebete darama Sopela 2020 Ekintza Planaren erredakzioa garatzen. Bertan, Udalak hurrengo zortzi urteetan aurrera eramango dituen proiektuak zehaztuko dira. Helburua honakoa da: herritarren bizitza-kalitatea hobetzea, ikuspuntu sozial, ekonomiko eta ingurumenari dagokionez.

Egun, aipatu Ekintza Planaren zirriborroa eratu du Udalak, hainbat eragileren parte-hartzea bermatu ostean: udalbatzeko ordezkariak, udal teknikariak eta eragile ekonomiko eta sozialak.

Aipatu dokumentua sopeloztarren artean ezagutzera emateko asmoz, Herritarren Foro bat antolatu du Sopelako Udalak ekainaren 20an, 19:30ean udaletxeko sarreran. Bertan zirriborroa ezagutu eta ekarpenak egiteko aukera izango dugu.

Halaber, dokumentua www.sopelana.net web orrian eskura izango dugu, eta ekarpenak idatziz, e-postaz E-mail hau spam roboten kontra babestuta dago. JavaScript aktibatuta izatea behar duzu hau ikusteko. E-mail hau spam roboten kontra babestuta dago. JavaScript aktibatuta izatea behar duzu hau ikusteko.   edo udaletxeko udal erregistroan egin ahal izango dira. 

Iraunkortasuneko azken albisteak

article thumbnail  2018an, 1.334 tona paper eta kartoi jaso ziren Mankomunitateko 7 udalerrietan kokatutako 274 edukiontzietan. Hala ere, eskualdeko herrietan egindako karakterizazioen ostean, ondorioa da zarama‑edukiontzietara botatzen denaren %6-8 papera eta kartoia dela. Paper eta kartoizko hondakinak erraz birziklatzen dira baldin eta gure etxe eta saltokietan ondo sailkatu, eta gero edukiontzi urdinera...
article thumbnailBeste urte batez, Uribe Kostako Mankomunitateko Iraunkortasun Sailak Ekogune ikastaroak jarri ditu martxan urrian eta azaroan zehar. Guztira, ortuarekin, ekologiarekin eta kontsumo arduratsuarekin zerikusia duten doako 7 ikastaro eskainiko dira: Hainbat zereal ezagutzea: hazitik hasita, ehoketatik jarraitu, sukaldean dituen aukeretaraino Nola egin artisau-ogia ore ama erabiliz Errezeta...
article thumbnailSopelak Garbigune mugikor bat instalatuko du Akilino Arriola kalean (Elizaren aurrean) uztailaren 29tik abuztuaren 2ra. Birziklapenaren kontzeptua Bizkaiko herritarrentzat errazagoa eta hurbilagoa egiteko Bizkaiko Foru Aldundiak martxan jarritako ekimena da. Garbigune mugikorren helburua ohiko garbiguneetara joateko aukera emateaz gain, udal-mugarte barruan bertan ere egin ahal izatea da. ...
article thumbnailOstegunean, uztailak 25 eta asteazkenean, uztailak 31, Santiago eta San Inazio Deuna direla eta, Garbikerrek kudeatzen dituen 23 garbiguneak itxita egongo dira. Barkatu neurri hauek sortutako eragozpenak.
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia