Sopelako Udala - Sopelako Udalak lau edukiontzi jarri ditu tapoien bilketa solidarioa egiteko
Zu hemen zaude: Hasiera Albisteak Sopelako Udalak lau edukiontzi jarri ditu tapoien bilketa solidarioa egiteko

Sopelako Udalak lau edukiontzi jarri ditu tapoien bilketa solidarioa egiteko

Gris koloreko edukiontziak udaletxearen aurrean, Larrabasterran, Arrietaran eta Atxabiribil inguruan jarri dira. 

Tapoien bilketarekin lortzen den dirua egoera ahulean dauden pertsonei eta kolektiboei edo proiektu solidarioetara bideratuko da. Lehen bilketa honetan jasotzen den diru guztia Sanfilippo Sindromea duten haurren familia eta lagunez osaturiko Euskadiko Sanfilippo Elkarteari emango zaio.

Sopelako Udalak lau edukiontzi berezi jarri ditu, plastikozko tapoien bilketa solidarioa sustatzeko helburuarekin. Ekimen honekin, ingurumena zaintzen laguntzeaz gain, auzotarrek hainbat arrazoi solidariotarako beren aletxoa jartzeko aukera izango dute. Birziklatzeko ohitura sortzea da helburua, bi balio garrantzitsu bateratuz: ingurumenarekiko kontzientziazioa eta elkartasuna.

Tapoien bilketarekin lortzen den dirua egoera ahulean dauden pertsonei eta kolektiboei edo proiektu solidarioetara bideratuko da. Lehen bilketa honetan jasotzen den diru guztia Sanfilippo Sindromea duten haurren familia eta lagunez osaturiko Euskadiko Sanfilippo Elkarteari emango zaio. Gaur egun, EAEn 7 kasu ezagutzen ditugu, bat Gipuzkoan eta beste sei Bizkaian, horietarik hiru anai-arrebak izanik. Estatu maila 70 kasu daude. Elkarte hau 2013ko abendutik Estatu mailan lanean ari den Stop Sanfilippo Fundazioarekin lanean dihardu. Gurutzetako Unibertsitate ospitalearekin ere lepo-lepo lanean ari da sendatzea eta ezagutarazteko bideak urratuz.

Edukiontzi grisek diseinu edo irudi berezia dute, herritarrek modu errazean identifika  ditzaten. Era berean, bota ahal izango diren artikuluen motari buruzko informazio-pegatinak izango dituzte, eta horiek guztiak poltsarik gabe eta soltean utzi beharko dira. Edukiontzi horiek gune hauetan kokatu dira

  • Udaletxeko parean dagoen turismo bulegoaren aurrean.
  • Larrabasterran: Urgitxieta plazan, Uribe Kostako Mankomunitateko bulegoen ondoan.
  • Arrietaran, Solondota eta Arrietara kaleen arteko bidegurutzean, Indian tabernaren parean.
  • Atxabiribil hondartzan, lurpeko edukiontzien eta autobus geltokiaren ondoan. 
Edukiontzietan etxean erabiltzen diren artikulu desberdinetako plastikozko tapoiak edo tapak utzi ahal izango dira. Bilketa Udalak egingo du, ondoren materiala plastikoak tratatzeko eta berreskuratzeko Lemoako instalazio batera eramateko. Mozkinak ongintzako erakunde eta kausetara bideratuko dira oso-osorik. Aipatzekoa da atal espezifiko bat ere prestatu dela Udalaren webgunean, non ekimen honekin lotutako informazio guztia jasotzen den. 
 
Sopelako Udalak herritar guztiak animatu nahi ditu ingurumenerako onuragarria den ekintza solidario honekin bat egitera eta plastikozko tapoiak horretarako prestatutako lau edukiontzietako edozeinetan uztera. 
 
Zer tapoi mota bota daitezke?
 
Ezinbesteko baldintza plastikozkoak izatea da. Hona hemen plastikozko tapoi eta tapa baliodunen zerrenda:
 
1. Ur-botilatxo, freskagarri, gaseosa, edateko jogurtenak …
2. Tetrabrikenak (kartoirik gabe)
3. Oliozko ontzienak
4. Kafe, txokolate, kakao, kakao-krema poteenak…
5. Gurin, igurzteko gazta, irasagarrarenak …
6. Esnegain espraizko ontzienak
7. Ketchup eta maionesa moduko saltsen ontzienak
8. Garbitzaileen pistola, xaboi-banagailuenak …
9. Bainugelako garbitzaileenak
10. Zura garbitzeko moduko esprai-garbitzaileenak
11. Arropa garbitzeko detergente eta leungarrienak
12. Ontziak garbitzeko likidoenak
13. Boligrafo eta errotuladoreenak
14. Barrako kolarenak
15. Bizarra mozteko apar poteenak
16. Esprai, roll on… motako desodoranteenak
17. Ahoko irakuzketenak
18. Hortzetako pastenak
19. Hortzetarako hariarenak
20. Krema hidratatzaileenak
21. Lentilla-kutxatilenak
22. Lurrin eta kolonienak
23. Eskuoihal hezeen ontzienak
24. Makilatxoen poteenak
25. Bainurako gel, xanpuenak…
 
Informazio gehiago www.sopelaudala.org/tapoisolidarioak webgunean. 
 
 

Iraunkortasuneko azken albisteak

article thumbnailEnplegagarritasuna hobetzeko, garapen sozioekonomikoan eta lurraldearen modernizazioan eragina duen enplegua sustatzeko xedez, Sopelako Udalak  gaur egun inausketak edota bide garbiketa bidez herriko ingurumena hobetzen ari diren 14 langabetu kontratatu ditu.Ekimena Lanbide Euskal Enplegu Zerbitzuaren Tokiko Laguntzen Eskualdeko Planaren barruan dago, zeinak enplegua sustatzeko berariazko planak...
article thumbnailSopelako Udalak udalerriko auzotarren laguntza eskatu du, tamaina handiko hondakinak bide publikoan lagatzerakoan, udalerriko hainbat tokitan gertatzen ari diren deskontrol puntualak saihesteko. Zerbitzuren erabileraren azken kasu desegokia Loiola Ander Deuna kalean gertatu da, orain egun batzuk,bertako bizilagun batek etxeko hainbat tresna kalean utzi eta zerbitzua neurriz kanpo erabiliz....
article thumbnailGaur eman saio hasiera 2020-2021 ikasturteko Eskola Agenda proiektuari Iberre institutuan. Ekogune Uribe Kosta Mankomunitateko ingurumen sailak lagunduta, erronka handiari egingo diote aurre: institutuan eta Sopelan plastikoen erabilera murriztu. Dagoeneko ekoordezkariak inkestak prestatzen ari dira, haien klasekideen artean plastikoaren erabilera ezagutzeko. Ikasturte osoan zehar ekintzak...
Sopela konpostaiarekin bat
2020eko abenduaren 03a
article thumbnailBa al dakizu zer den konpostaia, eta uste al duzu urratsa emateko unea heldu dela? Ekoarduratsua izan nahi duzu, eta zure hondakin organikoak etxean kudeatu nahi? Entzun al duzu gai horri buruz hitz egiten, eta ez dakizu nondik hasi? Sopelako udalean lagundu nahi zaitugu! Non egingo zenuke konpostaia? Zer hondakin botako zenuke? Inoiz konpostagailua izan duzu? Zer nolako esperientzia izan...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia