Sopelako Udala - Ingurumen hezitzaileak birziklapenari buruzko zalantzak argituko dituzte kalean, edukiontzien ondoan
Zu hemen zaude: Hasiera Albisteak Ingurumen hezitzaileak birziklapenari buruzko zalantzak argituko dituzte kalean, edukiontzien ondoan

Ingurumen hezitzaileak birziklapenari buruzko zalantzak argituko dituzte kalean, edukiontzien ondoan

Astelehenetik ostiralera, azaroak 18 tik 22ra, ingurumen hezitzaileak egongo dira, kalean eta edukiontzien ondoan, birziklapenari buruzko eskuorri informatibo bat banatzen eta herritarren zalantzak argitzen.

Hondakinak prebenitzeko Aste Europarraren baitan, Uribe Kostako Zerbitzu Mankomunitateak, eskualdeko hondakinen gaikako bilketa igotzeko helburuarekin herritarren kontzientziaziorako kanpaina bat antolatu du.

Gaur egun, estatuko eta eskualdeko araudiek ezarritako birziklatze helburuetatik urrun gaude, horregatik,  Mankomunitateko Iraunkortasun Sailak, EKOGUNEk, hondakinen bereizketa jatorrian modu egokian egitea eta hondakinak edukiontzi egokian sartzea, bultzatu nahi du.

Eguneroko bizitzan gure etxeetan sortzen ditugun hondakinei buruzko zalantzak sortzen zaizkigu askotan, batez ere, hondakinak ze edukiontzi motatan bota behar diren. Zalantza horiek argitzeko hezitzaileak “BIRZIKLATU ZALANTZARIK GABE” deituriko foiletoa banatuko dute. Eskuorri horretan adibidez, CDak, DVDak eta jostailuak plastikozko ontzien edukiontzi horira bota behar ez direla argitzen da, edo eta brikak ez direla edukiontzi urdinera botatzen baizik eta horira. Baita ere, informatzen da, organikoaren gaikako bilketarako sisteman (edukiontzi marroia) izena eman nahi izanez gero, dagokion Udaletxera jo behar duela. Etxeko hondakin organikoen banaketa premiazkoa da, gaikako bilketako helburuak lortu ahal izateko.

Hori dela eta, gure eskualdeko herritarrei dei egin nahi diegu kanpaina honetan parte hartzeko, eguneroko ohiturak aldatzen joateko eta gure etxeetan sortzen ditugun hondakinak jatorrian bereizteko. Legeria betetzeaz gain, mundu hobe eta osasuntsuagoa izango dugulako.

 

AZAROA

ASTELEHENA

ASTEARTEA

ASTEAZKENA

OSTEGUNA

OSTIRALA

18

19

20

21

22

GOIZEZ

9:30-12:30

PLENTZIA

Erribera-Astillero

BERANGO

Sabino Arana

BERANGO

Basotxu-Axgane-Santa Ana

SOPELA

Udaletxeko aldea

SOPELA

Sopelmar

PLENTZIA

Portua

BERANGO

Lantzarte

GORLIZ

Itsasbide

SOPELA

Lizarre

ARRATSALDEZ

17:30-20:30

BARRIKA

Goierri Auzoa

URDULIZ

Udaletxea

GORLIZ

Tribiñu

SOPELA

Gernika kalea

 

LEMOIZ

Armintza

URDULIZ

Iparralde

GORLIZ

Gaminiz Auzoa

SOPELA

Larrabasterra

 

 

Kanpainaren kuadriptikoa DESKARGATU: http://sopelaudala.org/index.php/eu/dokumentuak-sopela/cat_view/10-iraunkortasuna-sostenibilidad

Iraunkortasuneko azken albisteak

article thumbnailEkainean, sopeloztarrak egitura horietara hurbildu eta hondakinak birziklatzeko moduari buruzko zalantzak argitu ahal izango dituzte. Uribe Kostako Zerbitzu Mankomunitateak, eskualdeko hondakinen kudeaketaren arduradunak eta kanpaina honen sustatzaileak, gaikako bilketa areagotu nahi du ekimen honekin.Totem horiek pallet berrerabiliekin sortu dira, eta gure etxeetan egunerokotasunean sortzen ditugun...
article thumbnailIkastaroan zehar, plastikoak hainbat ikuspuntutatik landu dituzte: Sopelako saltokiak bisitatu dituzte plastikozko bilgarrien presentzia aztertzeko, plastiko birziklatuekin egindako modari buruzko prestakuntza-tailerretan parte hartu dute eta itsasoko plastikoen arazoa gertutik ezagutu dute, besteak beste. Iberre institutuko neska-mutilek ikasturte osoa daramate plastikoen arazoa lantzen...
article thumbnail  Apirilean batutako 13.440 kiloak maximo berri bat dira, eta datuak hobetzen jarraitzen dute, txartel bidezko irekiera pertsonalizatua duten edukiontzi berriak instalatu zirenetik. Sopeloztarrek hondakinak birziklatzeko konpromisoa gero eta handiagoa da. Sopelak marka berria lortu zuen apirilean frakzio organikoaren bilketan, 13.440 kilo bildu baitzituen guztira. Bigarren hilabetez jarraian egin du...
article thumbnailUribe Kostako Zerbitzu Mankomunitatea bizikletentzako plan bat prestatzen ari da bere 7 udalerrietarako (Barrika, Berango, Gorliz, Lemoiz, Plentzia, Sopela eta Urduliz), Sopelako Udalak 2019an hasitako lanari jarraipena emanez.Sopelan 2021ean egindako parte-hartze prozesuaren ondorioz, BI634 errepideko oinezkoentzako pasabidea eta Kurtzio lotuko dituen bidegorria egiten hasiko dira.Plan...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia