Zu hemen zaude: Hasiera Albisteak “Ocean Initiatives” Sopelan izango da bihar itsasoko hondakinen arazoaz kontzientziatzeko

“Ocean Initiatives” Sopelan izango da bihar itsasoko hondakinen arazoaz kontzientziatzeko

Recogida basuras2

Bihar larunbata, maiatzak 21, Surfrider Foundation Europe-eko Espainiako delegazioak Arrietarako hondartza garbitzeko ekimen bat antolatu du, Sopelako Udalaren laguntzarekin besteak beste. Jarduera honen bitartez, bertaratzen diren parte hartzaileei itsasoko hondakinen arazoa ezagutzeko aukera eskaini nahi zaie, hiritarren artean kontzientzia pizteko.

Hondakin bilketa goizeko 11:00etan hasiko da eta parte hartzaileak bi orduz arituko dira hondartza garbitzen, 13:00a arte. Antolatzaileen karpa "El Pasillo"ko eskaileren inguruan kokatuko da. Ekimenean parte hartzeko interesa duten pertsonak, egunean bertan zuzenean karpara hurbildu beharko dira izena emateko.

Arnasbiderik ez zaborrari!

Surfrider Foundation Europe elkarteak, urtero nazioarte mailako ekimen desberdinak antolatzen ditu hondartza, laku, ibai eta itsas hondoen hondakin bilketa jarduerak burutuz, "Ocean Initiatives" izenpean. Eko-herritar kanpaina hauen bitartez, itsasoko hondakinen arazoaz kontzientziatu nahi da. Biharkoak, No Break For Trash! Arnasbiderik ez zaborrari! lemapean ospatuko da.

Ocean Initiative osatzen duten bolondresek sortutako programaren helburu orokorra, itsasoko hondakinek sortzen duten kutsadura gutxitzea eta prebenitzea da, gizarteko zenbait ohitura txar aldatzeko asmoz. Hurrengo hauek dira hezkuntza, zientzia eta politika eremuetan jarraitzen dituzten xedeak:

- Hezkuntzan: kontsumitzaileak eta orohar herritarrak, itsasoko hondakinek eragiten duten kutsaduraz kontzientziatzea, konpromiso handiagoa hartu dezaten eta ohitura edo jokabide jasangarriagoak izan ditzaten.

- Zientifikoa: itsasoko zaborren kuantifikazioaren eta herritarren zientziaren bitartez datuak eta informazioa jasotzea, ikerketa zientifikoetako metodologiak hobetzeko.

- Politikoak: lobby politiko, instituzional eta industrialen kanpainak sustatzea, kutsaduraren oinarrian dauden, produkzio eta kontsumo sistemetan eta martxan jarri daitezkeen legeetan eragiteko.

Iraunkortasuneko azken albisteak

article thumbnailUribe Kostako Mankomunitateak, Ekoguneren bitartez, ingurugiro eta birziklapen tailer berriak antolatu ditu. Inguru-Minguru izeneko ekimena iraila eta urriko ostiraletan gauzatuko da Mankomunitatea osatzen duten 7 udalerrietan.Inguru-Mingururen helburu nagusia 4 urtetik gorako parte-hartzaileei ingurugiroarekiko errespetua sustatzea, baliabide naturalak modu egokian erabiltzearen arduraz...
article thumbnailIkasturte osoa lanean ibili ondoren, Iberre eta Ander Deunako gazteek egindakoaren berri ematen etorri ziren atzo udaletxera.  Aurten geodibertsitatea landu dute, eta beste ekintza batzuen arten, Sopelako labarretara bisitak, Meñakoz hondartzara irteera edo gaur egun, gaiari lotuta herri mailan dagoen informazioa aztertu dute.   Herrian ingurumena zaintzeko konpromezua hartu dute eta hobetzeko...
article thumbnailSortzen ditugun hondakinen %40 organikoa da, janari‑hondarrak batez ere. Horiek birziklatzea ezinbestekoa da, ingurumenean sortzen dugun kaltea ekiditeko eta legeriak ezartzen dituen helburuak betetzeko. Zentzu horretan, hondakin organikoak birziklatzen duten sopeloztar guztiak laguntzeko asmoz, Sopelako Udalak, 2018ko hasierarekin batera, bikoiztu egin du eskaintzen dituen poltsa...
article thumbnailPasa en abenduaren 14an, Eskola Agenda 21eko proiektuaren 2017-2018 ikasturtearen harrera ekintza ospatu zen.  Gontzal Hermosilla, Sopelako alkatea, programa honetan parte hartzen duten Ander Deuna Ikastola eta Iberre Institutuko DBHko ikasleekin izan zen programaren nondik norakoak hurbiletik ezagutzeko. Aurten geodibertsitatea lantzen arituko dira urte osoan zehar.   Eskolako Agenda 21,...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia