Zu hemen zaude: Hasiera HIRIGINTZA Atxabiribil etorbideak bidegorria eta espaloi zabalagoak izango ditu

hiringitza banner

Atxabiribil etorbideak bidegorria eta espaloi zabalagoak izango ditu

Sopelako Udalak Atxabiribil etorbideko erabilerak berrantolatuko ditu hurrengo hilabeteetan. Itsasalde kaleko biribilgunetik (kanping-era doana) Atxabiribil hondartzara eta Sopelmar auzora doan errepidean izango dira hobekuntzak.

Proiektuaren helburua garraio jasangarria bultzatzea da. Modu honetan, Sopelmarrera edo hondartzara bizikletaz, oinez, autoz edo autobusez joateko aukera egongo da segurtasun osoz.

Gainera, oinezkoek leku gehiago izango dute etorbidetik ibiltzeko, autoaren abiadura gutxitzeko neurriak hartuko dira, eta kaleko azpiegiturak hobetuko dira (argiztapena, ur-horniketa, eta abar).

Zehazki, lanak honakoak izango dira:

-       Errepidearen eskuineko aldean (hondartzara jaisten), bidegorri bat sortuko da, norabide bietan (jaisteko eta igotzeko). Gaur egun dagoen bazterbidea kenduko da, eta errepidea eta bidegorria banatu eta babesteko 40 zentimetroko erdibitzailea jarriko da.

-       Errepidearen eskuineko aldean gaur egun dagoen espaloia mantendu eta zabalago bihurtuko da (kasu batzuetan 2,30 metroraino).

-       Errepidean 30 km/o abiadura hartu ahal izango da, eta autoek 5 eta 5,50 metro arteko errepidea izango dute.

Puntu batzuetan errepidea estutu egingo da, eta modu honetan autoek euren abiadura jaitsi beharko dute. Gainera, bertan bizi diren auzokideek espazio handiagoa izango dute euren autoa ateratzeko segurtasun osoz.

Horrez gain, eta lan hauek aprobetxatuz, kalearen azpiegituretan hainbat hobekuntza egingo dira: argiteria aldatu, saneamendua berriztu, energía elektrikoaren sarea lurperatu e.a. Markesina ere lekuz aldatuko da.

Lanen aurrekontua 520.000 eurokoa izango da, BEZ barne.

Sopelmarreko auzokideek azken urteetan hainbatetan eskatu dute auzora heltzeko bidegorri bat eraikitzea eta aipatu etorbidean gehienezko abiadura 20 edo 30 km/o-koa izatea. Iazko uztailean sinadura-bilketa aurkeztu zuten udaletxean, eta Udalak antolatutako bileretan eskatutako lana da.

Hirigintzaren azken albisteak

article thumbnail Sopelako Udalak 11.000 euroko inbertsioa egin du hogeita hamar paperontzi berri eskuratzeko. Hurrengo asteetan hamar bat banku ere instalatuko dira, egoera txarrean daudenak ordezkatzeko edota gabeziak detektatu diren kaleak hornitzeko. Sopelako Udala, Hirigintza, Obrak eta Zerbitzuak sailaren bitartez, egun, 30 paperontzi berri ari da instalatzen eta hurrengo asteetan, hamar bat banku ere...
article thumbnail Bizikleta-Bide-Espaloi berriak Moreaga eta Gure Toki arteko egungo bizikleta ibilbidea Ander Deuna ikastolarekin lotuko du Lanek 3 hilabetetako iraupena izango dute, eta 277.975,59 euroko inbertsioa ekarriko dute Sopelako Udalak, aste honetan abiaraziko ditu Sopelako erdialdea Ander Deuna ikastolarekin lotuko duen bidegorria luzatzeko lanak, sopeloztarren aspaldiko eskaerari erantzunez....
article thumbnailSopelako Udalak asanblada ireki bat ospatuko du bihar, osteguna, irailak 7, arratsaldeko 17:00etan Kurtzio Kultur Etxean, Olabide-Osteiko bidearen irekitzeari buruzko prozesu parte hartzailean jasotako emaitzen eta Olabide kalearen bide-segurtasuna aztertu duen ikerketako ondorioak aurkezteko. Gehiengo edukiera 180 pertsonatakoa izango da eta sartu ahala txartelak banatuko dira.      
article thumbnailSopelako Udalak udalerriko telekomunikazioak hobetzeko aurrera pauso garrantzitsu bat eman du. Orange operadoreak 600.000€ inguru inbertituko ditu zuntz optikoa herriko 3.400 etxebizitza eta negozio baino gehiagotara iritsiarazteko. Honek udalerriko etxebizitza nagusi eta negozioen %70ak baino gehiagok merkatuko telekomunikazio finkoen teknologia aurreratuena eskura izango dutela suposatzen...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia