Zu hemen zaude: Hasiera Albisteak Ekainaren 21ean skate-park ezberdinak ezagutzeko irteera, ideiak jasotzeko asmoz

hiringitza banner

Ekainaren 21ean skate-park ezberdinak ezagutzeko irteera, ideiak jasotzeko asmoz

Martxoaren 14an, Sopelako Udalak bilera bat antolatu zuen herriko skate-park berria non eraiki eta nolakoa izango den auzokideekin batera erabakitzeko asmoz. Bilerara skate-parkeen erabiltzaileak diren 40 lagun baino gehiago gerturatu ziren, eta interes handia erakutsi zuten denon artean skate-park berriaren nondik norakoak erabakitzeko.

Geroztik, lantaldea modu autonomoan lanean egongo da, eta hainbat lan-saio antolatu dituzte skate-park berriaren lekua eta diseinua erabakitzeko. EHUko Parte Hartuz ikerketa-taldeko Joseba Kortazar da taldearen dinamizatzailea, eta lantaldean Sopelako auzokideak eta udal ordezkariak ari dira lanean.

Lehenengo eztabaida kokalekuaren ingurukoa izan da. Partehartzaileek AMIA bat egin dute (Ahultasunak, Mehatxuak, Indargunean eta Aukerak) eraikitzeko dituzten aukera guztien artean.

Diseinuari dagokionez, taldeak hainbat ezaugarri identifikatu ditu, partehartzaile bakoitzaren beharrizanen arabera.

Ideiak jaso eta Sopelako proiektua garatzen jarraitzeko asmoz, lantaldeak irteera bat antolatu du ekainaren 21ean, inguruko skate-parkeak ezagutuz. Udalak autobusa antolatu du eta Bizkaiko eta Kantabriako hainbat skate-park bisitatuko dira: Somo, Castro-Urdiales, El Burgo (Santurtzi), Ballonti (Portugalete), Lasesarre (Barakaldo), Mega-park (Barakaldo) eta Ansio-BEC (Barakaldo).

Autobusa goizeko 09:00etan irtengo da San Pedro eliza alboko markesinatik eta buelta 18:00ak aldera izango da. Irteera debalde izango da eta parte hartzeko ezinbestekoa izango da aldez aurretik E-mail hau spam roboten kontra babestuta dago. JavaScript aktibatuta izatea behar duzu hau ikusteko. E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean izena ematea (izen-abizenak, telefono zenbakia, e-posta eta adina zehaztuz, ekainaren 20ª baino lehen edo lekuak agortu arte). Sopelan erroldatutako lagunek lehentasuna izango dute.

Irteeran parte hartzen duten lagunek euren bazkaria eraman beharko dute, eta gogotsu lan egiteko eta ondo pasatzeko prest egon beharko dute (eta noski, patina!). Skate-park bakoitzean parte-hartzaileek fitxa bat bete beharko dute, eta bertan skate-park horrekiko euren iritzia jarriko dute: pistaren tamainua, zailtasun-maila, lurzoruaren egoera, trantsizioak (cooping, bertikal...), kokalekua, skate-park “azkarra” den (dibertigarria, espazioa ondo aprobetxatuta, elementuen kokaleku egokia e.a.).

Hasiera batean Udalak azpiegitura hau Urko paduran eraiki nahi zuen, baina uholdeak sortzeko arriskua dagoenez eta leku oso hezea denez, aukera hau baztertu zuen. Halaber, Udalak 250.000 euroko partida gorde du proiektu hau gauzatzeko.

Udalaren asmoa izan da kokalekuaren eta diseinuarekin lotura duten erabakiak skate-parkeen erabiltzaileekin batera hartzeko, eurak baitira gai honetan adituak direnak eta azken finean skate-parkea erabiliko dutenak.

Prozesu parte-hartzaile hau ez da azken hiru urteotan Sopelako Udalak bultzatu duen lehenengoa: aurrekontu-partehartzaileak, mugikortasuna herri erdigunean, Jai Batzordeak bultzatutako tailerrak e.a.

Prozesu guztiaren informazioa lantaldearen blogean jarrai daiteke:  http://skateparksopelan.blogspot.com.es

Hirigintzaren azken albisteak

article thumbnail Sopelako Udalak 11.000 euroko inbertsioa egin du hogeita hamar paperontzi berri eskuratzeko. Hurrengo asteetan hamar bat banku ere instalatuko dira, egoera txarrean daudenak ordezkatzeko edota gabeziak detektatu diren kaleak hornitzeko. Sopelako Udala, Hirigintza, Obrak eta Zerbitzuak sailaren bitartez, egun, 30 paperontzi berri ari da instalatzen eta hurrengo asteetan, hamar bat banku ere...
article thumbnail Bizikleta-Bide-Espaloi berriak Moreaga eta Gure Toki arteko egungo bizikleta ibilbidea Ander Deuna ikastolarekin lotuko du Lanek 3 hilabetetako iraupena izango dute, eta 277.975,59 euroko inbertsioa ekarriko dute Sopelako Udalak, aste honetan abiaraziko ditu Sopelako erdialdea Ander Deuna ikastolarekin lotuko duen bidegorria luzatzeko lanak, sopeloztarren aspaldiko eskaerari erantzunez....
article thumbnailSopelako Udalak asanblada ireki bat ospatuko du bihar, osteguna, irailak 7, arratsaldeko 17:00etan Kurtzio Kultur Etxean, Olabide-Osteiko bidearen irekitzeari buruzko prozesu parte hartzailean jasotako emaitzen eta Olabide kalearen bide-segurtasuna aztertu duen ikerketako ondorioak aurkezteko. Gehiengo edukiera 180 pertsonatakoa izango da eta sartu ahala txartelak banatuko dira.      
article thumbnailSopelako Udalak udalerriko telekomunikazioak hobetzeko aurrera pauso garrantzitsu bat eman du. Orange operadoreak 600.000€ inguru inbertituko ditu zuntz optikoa herriko 3.400 etxebizitza eta negozio baino gehiagotara iritsiarazteko. Honek udalerriko etxebizitza nagusi eta negozioen %70ak baino gehiagok merkatuko telekomunikazio finkoen teknologia aurreratuena eskura izango dutela suposatzen...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia