Sopelako Udala - Sopelako Udalak argiteria publikoaren kudeaketa lizitatu du
Zu hemen zaude: Hasiera Albisteak Sopelako Udalak argiteria publikoaren kudeaketa lizitatu du

hiringitza banner

Sopelako Udalak argiteria publikoaren kudeaketa lizitatu du


Udal sopeloztarrak 650.000 euro baino gehiago bideratuko ditu datozen hiru urteetan, segurtasuna, argiteriaren kalitatea eta instalazio elektrikoen funtzionamendu egokia bermatzeko xedez.

Udalerriko argiteria publikoa eta semaforo-instalazioak mantentzeko eta egokitzeko zerbitzuaren kontratua amaitu denez, eta instalazio horiek baldintza onenetan kontserbatzen jarraitzeko helburuarekin, Sopelako Udalak lizitaziora atera du bere kudeaketa, 654.504,45 euroko hasierako aurrekontuarekin (BEZa barne). Exekuzio-epea hiru urtekoa izango da, eta urtebeteko luzapena izan dezake. Zerbitzua datorren apirilean hastea aurreikusten da. 

Gaur egun udalerrian dauden 2.854 argi-puntuak mantentzeaz eta egokitzeaz gain, enpresa esleipenduna beharrezkoak diren instalazioetako material hautsiak edo hondatuak hornitzeaz eta instalazioak aplikagarria den araudiak ezartzen duen efizientzia- eta segurtasun-mailan kontserbatzeaz arduratu beharko da. Era berean, enpresa horrek 10 semaforo-instalazio jarriko ditu, ekipo erregulatzaileak, makuluak, zutabeak, semaforoak eta horien instalazio elektrikoa barne.

Josu Landaluze Sopelako alkatearen esanetan, "Udalarentzat gastu ekonomiko garrantzitsua da, baina lehentasuna gure herritarrei segurtasuna, argiteriaren kalitatea eta instalazio elektrikoen funtzionamendu egokia bermatzea da. Oinarrizko zerbitzu publiko bat da, matxura posibleak prebenitzeko eta, hala badagokio, beharrezko ordezkapenak, konponketak edo hobekuntzak egiteko balioko diguna”.

Horretarako, aldian-aldian, oinarrizko mantentze-lanak egingo dira, argiteria publikoko osagai guztiak (aginte-zentroak, osagai luminoteknikoak, elektrikoak, mekanikoak eta instalazio horietako obra zibilak) kontserbatzeko, instalazioetan landa-lanak eginez eta beharrezko administrazio-lanak eginez.

Era berean, kontratu berriak prebentziozko mantentze-lanak barne hartzen ditu, era programatuan egingo diren jarduketekin. Lan horien barruan sartzen dira argiak eta euskarri gainazalak berritzea (matxurek edo kalteek eragindako berritzeez gain), bai eta lanparak eta abiagailuak ordezkatzea ere.

Kontratuaren barruan, Udalak lehendik dauden instalazioak hobetzeko eta egokitzeko eskatu ahal izango dio esleipendunari, indarrean dauden Behe Tentsioko Erregelamendu Elektroteknikora eta Kanpoko Argiteria-Instalazioetako Eraginkortasun Energetikoaren Araudira egokitzeko.

Hirigintzaren azken albisteak

article thumbnailMetroaren bideetatik hurbil dauden Sugurdialde kaleko etxebizitza blokeak akustikoki babesteko helburuarekin, Bizkaiko Garraio Partzuergoak Sopelako Udalari jakinarazi dio datorren otsailaren 1ean hasiko dituela “Bilboko Metropoli-Trenbidearen 1. Lineako Larrabasterra-Sopela zatian pantaila akustikoak instalatzeko proeiktua” egiteko lanak.  Urtarrileko azken asteetan inguruko perimetroa itxi eta...
article thumbnail  Kontratu berria datozen asteetan esleituko da, eremu hauek herritarren erabilerarako eta gozamenerako egoera ezin hobean egotea lortzeko xedez. Horretarako 1,5 milioi euroko partida bat erreserbatu da. Baliabide materialetan egindako inbertsioetan hobekuntzak aurreikusten dira, bai eta plantilla handitzea ere, laneko une jakin batzuetan 11 langilek indartuko dutelarik. Besteak beste, kontratuak...
article thumbnailBehin-behineko jarduera da, kalea behin betiko berrantolatzeko partaidetza-prozesua gauzatu arte. Jarduketa honen bidez aisialdirako eta atsedenerako gune irisgarri eta seguruagoa lortu nahi da, inguruko merkataritza eta ostalaritza erabilerak indartuz. Oinezkoen segurtasuna areagotzeko eta inguruko bizilagunen eskarietako bat errealitate bihurtzeko, Sopelako Udalak Eleizalde kalea (Landa...
article thumbnailSopelako Udalak gaur, abenduak 17, hasi ditu Osteiko bidea eta Olabideko bidegurutze berria eraikitzeko lanak. Udalak 375.000 euro (BEZ barne) inguru inbertitu ditu lanak egitera. Urbanizazio proiektuak loturak egitea barne hartzen du Osteiko sektoreko bidearekin, Urdulizen, bai eta Larragoiti industrialdearen ondoan dagoenarekin ere, hiri-azpiegitura bat sortuz, bi udalerriak lotuko dituen...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia