Zu hemen zaude: Hasiera Albisteak Bidegorria handitzeko lanak hasiko dira

hiringitza banner

Bidegorria handitzeko lanak hasiko dira

  • Bizikleta-Bide-Espaloi berriak Moreaga eta Gure Toki arteko egungo bizikleta ibilbidea Ander Deuna ikastolarekin lotuko du
  • Lanek 3 hilabetetako iraupena izango dute, eta 277.975,59 euroko inbertsioa ekarriko dute

Sopelako Udalak, aste honetan abiaraziko ditu Sopelako erdialdea Ander Deuna ikastolarekin lotuko duen bidegorria luzatzeko lanak, sopeloztarren aspaldiko eskaerari erantzunez. Bizikleta-Bide-Espaloi berriak Moreaga eta Gure Toki arteko egungo bizikleta ibilbidea Ander Deuna ikastolarekin lotuko du, era seguruan, ondo seinaleztatua eta erraz identifikatzeko moduan herritarrentzat, bereziki eskola-umeentzat, eta udalerriko bisitarientzat.    

Lanek hiru hilabetetako iraupena izango dute gutxi gorabehera, 277.975,59 euroko inbertsioa (B.E.Z. barne) ekarriko dute eta berauei esker egungo espaloiaren barruko aldean (lotuneko sektoreak izan ezik) bizikleten erabilerarako banda bat sortuko da. Hau da, oinezkoen ibilbidearen aldamenean, lurra hondeatuz azalera berri bat sortuko da. Bizikleta-bideak hiru metroko zabalera izango du; espaloiarena, ez da aldatuko, eta 1,90 eta 2 metro artekoa da. Bidegorriak 600 metroko luzera izango du, eta Enrique Urrutikoetxea eta Gatzarriñe kaleen arteko bidegurutzean hasiko da, Olabideko bidegorriari jarraipena emanez. 

Lanak, Gontzal Hermosilla Sopelako alkatearen esanetan “udalerriko bizikleta-planaren garapenean aurrerapauso bat gehiago dira”. Eta “neurri honekin bizikletaz ikastolara joaten diren ikasle eta irakasleen segurtasuna hobetu eta bermatu nahi dugu. Izan ere, badirudi bidegorri berri honek ikastetxeak egunero jasotzen duen ibilgailu kopurua nabarmenki murriztuko duela” gaineratu du.

 

Hirigintzaren azken albisteak

article thumbnailSopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da,...
article thumbnail Sopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da, unea da...
article thumbnailUdal sopeloztarrak 650.000 euro baino gehiago bideratuko ditu datozen hiru urteetan, segurtasuna, argiteriaren kalitatea eta instalazio elektrikoen funtzionamendu egokia bermatzeko xedez. Udalerriko argiteria publikoa eta semaforo-instalazioak mantentzeko eta egokitzeko zerbitzuaren kontratua amaitu denez, eta instalazio horiek baldintza onenetan kontserbatzen jarraitzeko helburuarekin,...
article thumbnail Sopelako Udalak 11.000 euroko inbertsioa egin du hogeita hamar paperontzi berri eskuratzeko. Hurrengo asteetan hamar bat banku ere instalatuko dira, egoera txarrean daudenak ordezkatzeko edota gabeziak detektatu diren kaleak hornitzeko. Sopelako Udala, Hirigintza, Obrak eta Zerbitzuak sailaren bitartez, egun, 30 paperontzi berri ari da instalatzen eta hurrengo asteetan, hamar bat banku ere...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia