Zu hemen zaude: Hasiera Albisteak Sopelako Jabekuntza Eskola berrian izena emateko epea urriaren 3an amaituko da

Sopelako Jabekuntza Eskola berrian izena emateko epea urriaren 3an amaituko da

Sopelak Jabekuntza Eskola berria izango du 2014-2015 ikasturtean. Eskolak ostiraletan izango dira, hamabost egunean behin, eta hiru orduz: 17:00etatik 20:00ak arte. Eskolak gazteleraz izango dira, eta izena emateko epea urriaren 3an amaituko da. Izena emateko tokiak: Kurtzio Kultur Etxea, udaletxea, Sopelarin (Larrabasterrako udal bulegoa) eta www.sopela.eus web orrian, honako helbidean:  https://sopelarin.sopelana.net/TSKultura/menu.aspx. Prezioa: 36 euro ikastaro osoa.

Zer da jabekuntza?
Jabekuntza esaten dugunean ikaskuntza eta kontzientziazio prozesu bat adierazi nahi dugu, hain zuzen ere mundu osoko gizarteak egituratzen dituen sexismoak, emakumeei ezartzen digun diskriminazio eta gutxiegitasun egoera salatzea eta horren kontra borroka egitea ahalbidetzen digun prozesua.

Zer da Jabekuntza Eskola?
Ez da ohiko prestakuntzarako leku bat. Esperientziak, jakintzak eta narrazioak partekatzea da kontua, baina baita gorputzaz disfrutatzea ere, eta diskurtsoak, artea, aldarrikapenak ekoiztea. Hau da, munduaz dugun pertzepzioa aldatuko digun eta, aldi berean, mundua aldatzeko tresnak eskainiko dizkigun esperientzia bizitzea.

Espazio hau emakumeen partaidetza eta jabekuntza sendotzeko asmoz sortu da, eta gizarte justu, askotariko eta osoago bat lortzeko.

Zeintzuk dira ikusiko ditugun gaiak?

Gorputza, gure buruarekin konektatzen. Feminismoaren Historia, Komunikazioa, ohiko Komunikabideak VS digital komunikabideak, ziber ekintzak, feminismoa interneten...

Gizarte ekintza eta berdintasunaren azken albisteak

article thumbnailUribe Kostako Mankomunitateak “aUKera ON” bigarren eskuko merkatua antolatu du ekainaren 8rako Urdulizen. 38 postuk osatuko dute merkatua, eta jendearentzako ordutegia goizeko hamaiketatik arratsaldeko hirurak bitartekoa izango da. Hemen, bigarren eskuko edozein objektu‑mota aurkitu ahal izango duzu, eguneroko bizimoduan laguntza emango dizuna. Merkatu honekin lortu nahi dena da, batetik,...
article thumbnailMaiatzaren 24an, ostirala, Bikarte elkartearen hitzaldia ospatuko da Kurtzio Kultur Etxean. Ekimena 18:30ean hasiko da eta helburua Bikarteren proiektua azaltzea da. Izan ere, elkarte honek, Errusia eta Bielorrusiako erradiazio zonaldeetako adinez txikikoen aldi baterako egonaldiak antolatzen ditu Euskadin eta harrera familiak behar dituzte. Egun 250 bazkide baino gehiagok osatzen dute, modu...
article thumbnailMartxoaren 28an, osteguna, Euskadiko Familia Ugarien elkartea, Hirukide, Sopelako Kutzio Kultur Etxean egongo da kafe-tertulia bat egiteko. Bertan, udalerriko familia ugariekin egongo da eta bere zerbitzuak eta ekintzak aurkeztuko ditu. Honekin batera, kide ugariko familiek dituzten eskubideen gaineko informazioa helaraziko die parte hartzaileei, bai eta azken berriak ere. Parte-hartzaileen...
article thumbnailEmakumearen Nazioarteko Eguna dela eta, beste behin Sopelako Udalak, Itzartu Emakume Elkartearekin elkarlanean, ekintza ugari antolatu ditu emakumezkoen eta gizonezkoen arteko berdintasuna sustatzea helburu duen Emakumearen Astea izenekoaren barruan. Egitarauak martxoaren 4 eta 10 bitartean Kurtzio Kultur Etxean ospatuko diren adin guztiei zuzendutako ekintza ugari jasotzen ditu: hitzaldiak,...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia