Zu hemen zaude: Hasiera Albisteak Sopelako Udalak tona eta erdi tapoi solidario jaso ditu

Sopelako Udalak tona eta erdi tapoi solidario jaso ditu

 

  • Sopelako bizilagunek erakutsitako elkartasunari esker, 233,70 euro bildu dira. Zenbateko hori dagoeneko Sanfilippo Sindromea duten haurren familia eta lagunez osaturiko Euskadiko Sanfilippo Elkarteari eman zaio.

Sopelako Udalak, guztira 1.558 kg plastikozko tapoi bildu ditu aurtengo otsailean udalerriko hainbat lekutan jarri ziren lau edukiontzi solidarioetatik. Lehen esperientzia honetan, eta Sopelako bizilagunek erakutsitako elkartasunari esker, 233,70 euro bildu dira guztira. Zenbateko hau dagoeneko Sanfilippo Sindromea duten haurren familia eta lagunez osaturiko Euskadiko Sanfilippo Elkarteari eman zaio. Gaur egun, EAEn 7 kasu ezagutzen ditugu, bat Gipuzkoan eta beste sei Bizkaian, horietarik hiru anai-arrebak izanik.

Tapoien bilketa solidarioa Udalak 2020. urtearen hasieran abiarazitako ekimena da, helburu bikoitza duena: ingurumena zaintzen laguntzea eta Sopelako bizilagunei beren harri-koskorra hainbat arrazoi solidariotara eramateko modua eskaintzea.

Birziklatze-ohitura bat sortu nahi dugu, bi balio oso garrantzitsu bateratuz: ingurumenarekiko kontzientziazioa eta elkartasuna”, adierazi du Josu Landaluze Sopelako alkateak. Era berean, Amaia Guenetxea zinegotziak herritar guztiak animatzen ditu berriz ere, “solidarioa eta ingurumenarentzat onuragarria den ekimen honetan parte hartzera eta plastikozko tapoiak horretarako jarritako edozein edukiontzitan uztera”.

Aipatutako edukiontzi grisek diseinu edo irudi berezia dute, herritarrek modu errazean identifika  ditzaten. Era berean, bota ahal diren artikuluen motari buruzko informazio-pegatinak dituzte, eta horiek guztiak poltsarik gabe eta soltean utzi behar dira. Edukiontzi horiek gune hauetan daude kokatuta:

Udaletxeko parean dagoen turismo bulegoaren aurrean.

  • Larrabasterran: Urgitxieta plazan, Uribe Kostako Mankomunitateko bulegoen ondoan.
  • Arrietaran, Solondota eta Arrietara kaleen arteko bidegurutzean, Indian tabernaren parean.
  • Atxabiribil hondartzan, lurpeko edukiontzien eta autobus geltokiaren ondoan.

Bilketa Udalak egiten du, ondoren materiala plastikoak tratatzeko eta berreskuratzeko Lemoako instalazio batera eramateko. Bigarren txanda honen kasuan ere, mozkinak ongintzako erakunde eta kausetara bideratuko dira oso-osorik.

Zer tapoi mota bota daitezke?

Ezinbesteko baldintza plastikozkoak izatea da. Hona hemen plastikozko tapoi eta tapa baliodunen zerrenda:

Ur-botilatxo, freskagarri, gaseosa, edateko jogurtenak …

  • Tetrabrikenak (kartoirik gabe)
  • Oliozko ontzienak
  • Kafe, txokolate, kakao, kakao-krema poteenak…
  • Gurin, igurzteko gazta, irasagarrarenak …
  • Esnegain espraizko ontzienak
  • Ketchup eta maionesa moduko saltsen ontzienak
  • Garbitzaileen pistola, xaboi-banagailuenak …
  • Bainugelako garbitzaileenak
  • Zura garbitzeko moduko esprai-garbitzaileenak
  • Arropa garbitzeko detergente eta leungarrienak
  • Ontziak garbitzeko likidoenak
  • Boligrafo eta errotuladoreenak
  • Barrako kolarenak
  • Bizarra mozteko apar poteenak
  • Esprai, roll on… motako desodoranteenak
  • Ahoko irakuzketenak
  • Hortzetako pastenak
  • Hortzetarako hariarenak
  • Krema hidratatzaileenak
  • Lentilla-kutxatilenak
  • Lurrin eta kolonienak
  • Eskuoihal hezeen ontzienak
  • Makilatxoen poteenak
  • Bainurako gel, xanpuenak…

Informazio gehiago www.sopelaudala.org/tapoisolidarioak webgunean.

Gizarte ekintza eta berdintasunaren azken albisteak

article thumbnailGaur andrazkoenganako indarkeriaren kontrako nazioarteko eguna dela aprobetxatuz, Sopelako Udaleko Emakumearen Sailak omenaldi txiki bat egin nahi dio Ana de Artazatorre y Ochandategui sopeloztarrari. Tratu txarrak jasan eta senarrak espoliatutako andrazkoa, duela ia 350 urte. Andrazko ausart honek bere senarra, Martin Larraondo Salsidua, salatu zuen 1676an, tratu txarrak eta ondasunak xahutzea...
article thumbnailAurten, pandemiaren ondorioz, urtero azaroaren 25ean, Emakumeen Kontrako Indarkeriaren Aurkako Nazioarteko Egunean, Sopelako Udaletxeko Plazan ospatzen den bateratzea, adierazpen instituzionalaren irakurketa eta esperantzaren globoak askatzeko ekitaldia ezin da ospatu, halere, gure etxeetatik bada ere, gogoan izan ditugu indarkeria matxistaren biktima guztiak. Izan ere, ekintza sinboliko gisa,...
article thumbnail  Emakumeen Kontrako Indarkeriaren Aurkako Nazioarteko Eguna dela eta, Sopelako Udaleko Gizarte Ekintza, Emakume eta Berdintasun eta Lankidetza Arloak, azaroaren 19an eta 26ra arte luzatuko diren ekintzaz beteriko programa antolatu du. Aurten, pandemiaren ondorioz, Sopelako Udalak urtero A25ean Udaletxeko Plazan ospatzen den bateratzea ez egitea erabaki du. Gauzak horrela, hauek izango dira...
article thumbnailHauek dira hain zuzen ere abiarazitako laguntzak: Etxebizitzak alokairuan hartzeko diru-laguntzak (40.000 euro), Gazteen autonomia pertsonala sustatzeko diru-laguntzak (30.000 euro) eta Eten digitala murrizteko diru-laguntzak (16.000 euro). Gazteen autonomia pertsonala sustatzeko eta Eten digitala murrizteko diru-laguntzak eskatu nahi dituztenek azaroaren 4 eta 17 artean egin beharko dute eta...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia