Sopelako Udala - Lilagunek genero indarkeriari buruzko online tailerraren bigarren saioa eskainiko du maiatzaren 14an
Zu hemen zaude: Hasiera Albisteak Lilagunek genero indarkeriari buruzko online tailerraren bigarren saioa eskainiko du maiatzaren 14an

Lilagunek genero indarkeriari buruzko online tailerraren bigarren saioa eskainiko du maiatzaren 14an

Koronabirusaren krisia martxoaren erdialdean hasi aurretik, Uribe Kostako Mankomunitateko Berdintasun Sailak tailer feministen agenda bat diseinatu zuen. Tailer horiek Sopelan eskaintzekoak ziren Emakumeen Nazioarteko Eguna ospatzen den martxoaren 8ko programaren baitan, baina osasun larrialdiak jarduera hori bertan behera uztera behartu zuen.

Mankomunitateak, ekimenari formatua aldatu zion eta errealitate berrira egokitu, osasun segurtasunagatik jendea pilatzea galarazita baitago. Teknologia berriei esker, ikastaroak on line eta zuzenean eskaintzera animatu dira eta lehenengo saioak oso harrera ona izan zuen.

34 emakumek jarraitu zuten pasa den maiatzaren 7an egin zen lehenengo tailerra era birtualean. Hau ikusita, ostegun honetan eskainiko den bigarren saioan parte hartzeko gonbitea luzatzen dute Berdintasun sailetik.

Hauexek tailerraren datuak eta informazioa:

·       Titulua: “Zugatik, nigatik eta emakume guztiongatik: Genero-indarkeria kasuetan identifikatzea eta jardutea”

·       Doako saioa, Maider Galarraga, Psikoterapeuta eta Genero Aholkulariak zuzenduta

·       Tailerrean, gure inguruan genero indarkeria egoeran egon daitezkeen emakumeei nola lagundu eta bidelagun izaten ikasiko da.

·       Ordutegia 18:00etatik 19:30era izango da, eta interesa dutenek aldez aurretik eman beharko dute izena, mezu elektroniko bat bidaliz E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera edo WhatsApp bat 652 77 37 80 zenbakira.

Gizarte ekintza eta berdintasunaren azken albisteak

article thumbnail Cruz Roja Bizkaia - Bizkaiko Gurutze Gorriak, Uribe Kostako Zerbitzu Mankomunitatearekin lankidetzan, hezkuntza afektibo-sexualari buruzko tailerra antolatu du 14 urtetik gorako nerabeentzat. Tailerra doakoa izango da, eta irailaren 30ean egingo da, 17:30etan, Sopelako Gurutze Gorriaren bulegoan. Izen-emateak posta elektronikoz egin beharko dira, \n E-mail hau spam roboten kontra babestuta...
article thumbnail "Anitzak gara, Berdinak gara" lelopean, kanpaina Bizkaibuseko 4 markesinatan (Larrabasterran eta Sopelan) ikusi ahal izango da eta LGTBI kolektiboarekiko edozein diskriminazio edo indarkeria saihestearen beharra ikusarazi nahi du. Kontzientziazio-kanpaina honen barruan, Udalak 200 kartel banatuko ditu udalerriko saltokien bidez eta 500 poltsa eta oroimenezko txapa ere banatuko ditu Turismo...
article thumbnailUribe Kostako Zerbitzuen Mankomunitatea lehenengo urratsak ematen ari da gizarte zibilarekin, emakumeekin eta gizonekin, modu mistoan zein ez mistoan, sentsibilizazio eta kontzientziazio feministan eta indarkeri matxistaren prebentzioan. Mankomunitaeko Berdintasun Sailak, emakumeen hainbat erakunde eta elkarteren laguntzarekin, eskualdeko udalerrietako emakumeentzako (eta beste...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia