Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak ekintzaileen negozioak bideragarriagoak izateko tailer bat antolatu du

cabecera empleo y promocioneconomica

Sopelako Udalak ekintzaileen negozioak bideragarriagoak izateko tailer bat antolatu du

Saioa ekintzaile izateko ideia bat duten edo bere negozioa sendotzeko laguntza behar duten pertsonei dago zuzendua, proiektu bat abiarazteko momentuan egiten diren akats ohikoenak ezagutzeko helburuarekin. 

Tailerra datorren ostegunean izango da, otsailak 27, goizeko 10:00etatik 12:00etara, Landabe 12n. Parte hartzeko interesa duten pertsonak Enplegu eta Ekonomia Sustapeneko udal bulegoarekin jarri behar dira harremanetan, udal bulegora hurbilduz, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbide eskaera eginez edota 94 406 55 00 telefonora deituz. 

Ekintzaile izateak arriskatzea dakar. Proiektu berri bati ekiten diogunean, erabaki asko hartu behar dira eta horietako batzuk, eragin zuzena dute negozioan, porrot egiteko arriskua handituz. Prestakuntza akademikoa eta lan esperientzia bezalako faktoreak garrantzitsuak dira, baina ez dute gure proiektuen arrakasta edo porrota erabakitzen.

Hori dela eta, Sopelako Udaleko Enplegu eta Ekonomia Sustapeneko Sailak, Secot Bizkaiarekin lankidetzan, ekintzaile izateko ideia bat duten edo bere negozioa sendotzeko laguntza behar duten pertsonei zuzendutako tailer praktiko bat antolatu du, ekintzaileek egin ohi dituzten akats ohikoenak ezagutzeko eta beraietan ez erortzeko. Proiektua gauzatu eta bideragarria izateko gomendioak eskainiko dira, bidean sortu daitezkeen arazo eta oztopen inguruan hausnartuz. 

Hitzordua datorren ostegunean izango da, otsailak 27, Landabe 12n. Tailerrak bi orduko iraupena izango du  (10:00etatik 12:00etara). 

 

Negozio bat martxan jartzeko unean egiten diren akatsak

Honako hauek dira ekintzaile orok saihestu behar dituen eta jorratuko diren oinarrizko akatsak:

  1. Gehiegizko baikortasunarekin hastea.
  2. Bereiztearen beharra ez baloratzea.
  3. Gehiegizko konfiantza.
  4. Zer erosi behar diguten argi ez izatea.
  5. Nori saldu behar zaion argi ez izatea.
  6. Bezeroek “hasiberri”ei susmo txarra hartzen dietela ez jakitea.
  7. Bezeroak iritsiko zaizkigula uste izatea.
  8. Sare sozialak. Garrantzitsuak, baina ez nahikoak.
  9. Ez planifikatzea.
  10. Arrakastarako prest ez egotea.
  11. Inbertsioko finantza beharretan bakarrik pentsatzea.
  12. Kanpo finantzaketa ziurtzat jotzea.
  13. Administrazioa paperen kontuekin nahastea.

 

Informazioa edo izen-ematea

  • Udal bulegoak: Enplegu eta Ekonomia Sustapenaren Saila 
  • Helbide elektronikoa: E-mail hau spam roboten kontra babestuta dago. JavaScript aktibatuta izatea behar duzu hau ikusteko.  
  • Harremanetarako telefonoak: 94 406 55 00 Ext. 110.

 

 

Enplegu eta Sustapen Ekonomikoaren Azken Albisteak

article thumbnailEusko Jaurlaritzak dagoeneko argitaratu ditu Euskal Herriko Aldizkari Ofizialean 2020rako “COVID-19” laguntzak arautzen eta deitzen dituzten bi agindu, bai euskal merkataritza-sektoreari bai turismo-sektoreari (tabernak, hotelak, surfa, etab.) buruzkoak: Hauek dira aginduen estekak: Merkataritza-sektorea: https://www.euskadi.eus/diru_laguntza/2020/covid-19-merkataritza/web01-tramite/eu/  Turismo-sektorea: ...
article thumbnail   Ekimenaren helburua koronabirusaren pandemiak sortutako osasun alarmaren ondorioz udalerriko sare ekonomikoak dituen beharrak eta arazoak identifikatzea da. Udalak ezinbestekotzat jotzen du Sopelako enpresa eta negozio guztien parte hartzea, eta horregatik, dei egiten du proiektuarekin bat egin dezaten eta laguntza, konpromisoa eta lankidetza eskatzen die. Programa udal talde guztiek azken...
article thumbnailApurka apurka gure herriko merkatariak eta zerbitzu desberdinak ateak zabaltzen ari dira. Irekita daudenen zerrenda luzatzen dizuegu. Gogoratu orain inoiz baino garrantzitsuagoa dela tokiko saltoki eta establezimenduetan erostea.   Kontuan izan, denda edo merkatari askorekin aurretiazko hitzordua behar duzuela eta segurtasun arauak bete behar dituzuela. Eskerrik asko.  IZENA                                               KONTAKTUA Uribe Kosta...
article thumbnailCovid 19 birusaren zabalkundea geldiarazteko ahaleginen ondorioz, ezarri diren neurriak direla bide, etxe batzuetan, larrialdi ekonomikoko egoerak sortzen ari direla jakin badakigu. Kasu horiek ezagutu nahi ditu Sopelako Udal honek, ahalik eta arinen kasuoi erantzuna ematen saitzeko. Horrenbestez, zure, edo zure familiaren, oinarrizko beharrak asetzea ezinezkoa bazaizu, GIZARTE ZERBITZUEKIN harremanetan...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia