Zu hemen zaude: Hasiera ENPLEGU ETA SUSTAPEN EKONOMIKOA Berritasun ugari urriaren 10 eta 11n Sopelan ospatuko den IV Surf Business Meeting ekimenean

cabecera empleo y promocioneconomica

Berritasun ugari urriaren 10 eta 11n Sopelan ospatuko den IV Surf Business Meeting ekimenean

  • Praktika egokiak elkartrukatu eta ezagutzera emateko helburuarekin, irristatzeko kirol eta surfaren esparruko profesionalek topaketa eta hitzaldi desberdinak eskainiko dituzte.
  • Ekintza guztiak irekiak eta doakoak dira. Aldez aurretik izena eman beharko da web gune ofizialean: surfbusinessmeeting.pro

Laugarren urtez jarraian, Sopelako Udalak, Enplegua eta ekonomia sustatzeko sailaren bidez, Surf Business Meeting ekimena jarri du martxan tokiko profesionalak eta ekintzaileak gai interesgarrien inguruan inspiratzeko eta babesteko xedez. Praktika egokiak elkartrukatu eta ezagutzera emateko helburuarekin, irristatzeko kirol eta surfaren esparruko profesionalek topaketa eta hitzaldi desberdinak eskainiko dituzte.

Aurten Surf Business Meeting urriak 10 eta 11 artean ospatuko da eta batez ere “Berrikuntza” gaia jorratuko da; zehazki, enpresen lehiakortasunaren hobekuntzan, gizarteratzean eta emakumearen ahalduntzean oinarritutako berrikuntza. “Nobedade gisa eta Sopela eta Getxoko Udalen arteko elkarlanari esker, programa zabalago bat eskainiko da, enpresen lehiakortasuna bultzatzeko eta programa bi udalerrietan garatzeko atal berriekin” baieztatu du Teresa Fernandez Sopelako Udaleko Enplegua eta ekonomia sustatzeko saileko zinegotziak.

Gauzak horrela, surfaren industria bultzatzeko helburuarekin, lehenengo jardunaldia, Getxon ospatuko da eta bertan master class bat egingo da, lekuko enpresei zuzendutakoa eta hurrengo hitzaldietan parte hartuko duen hizlari batek zuzendutakoa.

Bigarren jardunaldia Sopelan ospatuko da eta hitzaldiak izango dira nagusi. Ekimena irekia izango da eta hein handi batean sektorearekin erlazioa duten erakundeei zuzendurik egongo da. Surfaren industrian erreferenteak diren nazioarteko figurak izango dira bertan hizlari gisa, nabarmentzekoak dira, besteak beste surf inklusiboaren sortzailea izandako Cisco Araña brasildarra edota Bert Aramburu, O`Neill markaren salmenta lehendakariordea. Halaber nazio mailako figurak ere bertan izango dira: Garazi Sánchez surfista profesionala edota José Luis Izquierdo, ekitaldi eta akzio kiroletan aditua eta Arnette eta Red Bull  (espainiar olinpiar batzordeko kidea da eta

Tokion ospatuko diren hurrengo olinpiadetarako ekintzak garatzen ari da. Tokion, lehenengo aldiz, surfa eta skatea kirol olinpikoak izango dira) marken event managerra. Arratsaldean, hondartzan, aren enpresen erakusketa egingo da eta publikoak merkatuko azkeneko produktuak probatu ahal izango du, baita musikaz, ikuskizunez, surf, skate eta bmx tailerrez osaturiko giro apartaz gozatu ere.

Surf Business Meeting euren proiektuak garatzeko kontaktuak handitu nahi dituzten ekintzaileentzat eta sektoreko enpresentzat ezagutzak zabaltzeko aukera gisa finkatu da” baieztatu du Teresa Fernandez Sopelako Udaleko Enplegua eta ekonomia sustatzeko saileko zinegotziak. Halaber, ezagutzaren hartu-emana bilatzen da, baita surfaren sektoreko agenteen elkartzea ere, industriaren balio-katea beregain hartuz: ekoizleak, ondare eta zerbitzu hornitzaileak, banatzaileak, ezagutza eta formazio agenteak, eta abar. Modu honetan, partekatutako balorea sortzeko helburuarekin parte hartzaileen artean kolaborazio espazio egonkorra lortu daiteke.

Ekimen guztiak irekiak eta doakoak dira. Halere, aldez aurretik izena eman beharko da ekitaldiaren web orrialde ofizialean, zeinetan informazio guztia eta egitaraua kontsulta daitekeen.

Informazio gehiagorako eta izena emateko: surfbusinessmeeting.pro

 

 

Enplegu eta Sustapen Ekonomikoaren Azken Albisteak

article thumbnailUdalerriko negozio txiki eta ertainei Covid-19aren aurrean beren jarduera garatzeko garbiketa- eta higiene-neurriak betetzen laguntzeko xedez, birusa kutsatzeko arriskua murrizteko eta merkataritza, ostalaritza eta jendeari irekitako beste jarduera batzuetako lokalen higienea eta garbitasuna mantentzeko, Sopelako Udalak, Behargintzarekin elkarlanean, gel hidroalkoholikoa eta garbitzeko eta...
article thumbnailProgramak 7 jarduera-eremu hartzen ditu: sozialak, kulturalak, kiroletakoak, enpleguaren sustapenekoak eta tokiko ekonomiaren garapenekoak. Tokiko laguntzak dira, horietako asko Covid-19aren pandemiak eragindako ondorio ekonomiko negatiboak arintzeko. Autonomia Erkidegoko eta Estatuko administrazioek jada onartutako laguntzen osagarriak dira. Sopelako Udalaren Diru-laguntzen Plan Estrategikoak, ekitaldi...
article thumbnailEusko Jaurlaritzako Turismo, Merkataritza eta Kontsumo Saila laguntza batzuk atera ditu, EAEko merkataritza-establezimenduak, berrikuntzaren eta kudeaketa-tresnak eta azpiegiturak hobetzearen bidez, modernizatzea bultzatzea, gainera COVIDa kontutan izanda. Eskaerak aurkezteko epea 2020ko abuztuaren 3an bukatuko da. Laburpen-fitxara sartzeko, sakatu HEMEN Web instituzionalan sartzeko, sakatu ...
article thumbnail  Sopelako Udalak 6.746 bonu jarriko ditu zirkulazioan (5 euroko 4.497 bonu eta 10 euroko 2.249 bonu), 45.000 euroko udal diru-laguntzaren bidez ordainduak. Horri esker, kontsumitzaileek deskontuak izango dituzte. Kanpainak bi helburu ditu: udalerriko establezimenduetan kontsumoa sustatzea, udalerriko jarduera ekonomikoaren eragile izan diren eta diren sektore horiek biziberritzen laguntzeko; eta...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia