Zu hemen zaude: Hasiera ENPLEGU ETA SUSTAPEN EKONOMIKOA Sopelak ekintza eta irristatzeko kirolak garapen ekonomiko gisa balorean jartzen ditu skatearen sektorean emakumeen lidergo eta ahalduntze profesionaletik

cabecera empleo y promocioneconomica

Sopelak ekintza eta irristatzeko kirolak garapen ekonomiko gisa balorean jartzen ditu skatearen sektorean emakumeen lidergo eta ahalduntze profesionaletik

  • Sopelako Udaleko Enplegua eta ekonomia sustatzeko sailak apirilaren 27rako Rollit Girl Sopela Jardunaldia antolatu du adin guztietako emakumeentzat. Helburua kirol industriaren garapen ekonomikoari laguntzea, eta emakumeen ahalduntze profesionala sustatzea da.
  • Landaluze kalean izango da 11:00ak eta 20:00ak artean. Egun osoan zehar emakumeentzako skate‑lehiaketak, probak, tailerrak, kontzertuak eta foodtrucks‑ak izango dira.
  • Roll it Girl Sopela Longboard lehiaketako proba desberdinetan parte hartu nahi dutenek, honako estekaren bitartez eman dezakete izena doan: forms.gle/iBRkqwL8Lcv4WexW9

Datorren apirilaren 27an, larunbata, Rollit Girl SopelaJardunaldia ospatuko da Sopelan, Sopelako Udalak, Enplegua eta ekonomia sustatzeko sailaren bitartez eta Mondragon Unibertsitateko ikasleek osaturiko Solid Association elkarteak, Euskaltelekin elkarlaneanantolaturiko jardunaldia, alegia.

Enplegua eta Ekonomia Sustatzeko Arloak, Sopelako ekintzailetza, enplegua eta ekonomia sustatu eta garatzeko 2020ko Plan Estrategikoaren ildotik, uste du ekintza‑kirolen eta irristatzeko kirolen industria negozio‑aukera bat dela eta garrantzi estrategikoa daukala gure herriaren ekonomia garatzeko. Horretarako, Udalak Rollit Girl Sopela ekimena antolatu du adin guztietako emakumeentzat, horren helburua izanik, batetik, arlo horren garapen ekonomikoari laguntzea, eta, bestetik, eremu hori emakumeak ahalduntzeko beste lanbide‑aukera bat izatea.

Kasu honetan, baliagarria izango da emakumeek muturreko kiroletan, oraingoan Longboard‑en, duten eginkizuna azpimarratzeko. Longboard ohol bat da, eta, normalean, jaisteko lasterketetan erabiltzen da, baina baita irristaketan, ibilbide luzeko lasterketetan edo garraiobide gisa ere. Hitz gutxitan esanda, longboard ohola skate edo gurpil‑ohol baten antzeko kirol‑ekipamendua da, baina askoz ere luzeagoa.   

Rollit Girl Sopela ekitaldia Landaluze kalean izango da 11:00ak eta 20:00ak artean. Horixe da Solid Association‑eko gazte ekintzaileek —Mondragon Unibertsitatean LEINN (Lidergoa, Berrikuntza eta Ekintzailetza) ikasten ari direnek— hautatu duten agertokia. Ekintza honekin, berdintasunarekiko eta bereizketarik ezarekiko konpromisotik abiatuta, emakumeek arrisku‑kiroletan duten parte‑hartzea azpimarratu eta bultzatu nahi da.

Egun osoan zehar, jai‑giroan, emakumeentzako skate‑lehiaketa izango da, eta bertan egingo dira longboard bidezko jaitsiera, kirol horrekin zerikusia duten hainbat proba eta tailer, kontzertuak eta foodtrucks‑ak.

Bestalde, esan bezala, ekitaldi hau gazteekin batera antolatu da, hain zuzen ere emakumeek kirolean ere ahaldundu beharra aldarrikatzen duten hainbat gazterekin batera, eta hitzordu honek aukera emango du ondo pasatzeko, eta adin eta izaera guztietako pertsonek gozatzeko.

Roll it Girl Sopela Longboard lehiaketako proba desberdinetan parte hartu nahi dutenek, honako estekaren bitartez eman dezakete izena doan: forms.gle/iBRkqwL8Lcv4WexW9

 

 

Enplegu eta Sustapen Ekonomikoaren Azken Albisteak

article thumbnailSurf Business Meeting ekimena dela eta bere irekiera gisa, datorren urriaren 10 eta 11rako Sopelan eta Getxon antolatu diren jardueren agendan, Sopelako Udaleko Enplegu eta Ekonomia Sustatzeko Sailak, nazioarteko mahai-inguru honen antolatzaileak, edizio berritsu honek ematen digun aukera aprobetxatu nahi izan du, tokiko surf eskolei esklusiboki tailer edo workshop espezializatu bat...
article thumbnailPraktika egokiak elkartrukatu eta ezagutzera emateko helburuarekin, irristatzeko kirol eta surfaren esparruko profesionalek topaketa eta hitzaldi desberdinak eskainiko dituzte. Ekintza guztiak irekiak eta doakoak dira. Aldez aurretik izena eman beharko da web gune ofizialean: surfbusinessmeeting.pro Laugarren urtez jarraian, Sopelako Udalak, Enplegua eta ekonomia sustatzeko sailaren bidez, Surf...
article thumbnailSopelako Udalak, Uribe Kostako Behargintzaren bitartez, Lanbide-Euskal Enplegu Zerbitzuaren 2019 Enplegua sustatzeko toki ekintzak programa jarri du martxan. Udalak Sopelan erroldatutako 12 pertsona kontratatuko ditu hiru hilabetetan zehar, lanaldi osoan (kontratuen hasiera 2019ko abenduaren 31 baino lehen). Sopelan bezala, Uribe Kostako eskualdean 35 pertsona kontratatuko dira.Ekintza hau...
article thumbnailEskariak aurkezteko epea ekainaren 20tik irailaren 30era arte egongo da zabalik. Diru laguntzak eskatzeko inprimakia eta deialdiaren oinarriak www.sopela.eus edota udal bulegoetan daude eskuragai.  Sopelako Udalak, Enplegua eta Ekonomia Sustatzeko Arloaren bitartez, 2019an 43.000 euro inguru bideratuko ditu Sope-Lan – Sopelan enplegua sortu eta enpresak sustatzeko programa abiarazteko....

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia