Zu hemen zaude: Hasiera ENPLEGU ETA SUSTAPEN EKONOMIKOA Udalak diru-laguntza berriak eskaintzen ditu Sopelako enpresen ekintzailetza sustatzeko

cabecera empleo y promocioneconomica

Udalak diru-laguntza berriak eskaintzen ditu Sopelako enpresen ekintzailetza sustatzeko

 

  • Diru-laguntzak 2018ko urtarrilaren 1etik urriaren 30era bitartean, abian jarri diren enpresa proiektuetara bideratuko dira.
  • Enpresa proiektu bakoitzerako, gehienez ere 3.000 euroko laguntza izango da eta eskariak aurkezteko epea azaroaren 15era arte egongo da zabalik.

Sopelako Udalak, Enplegu eta Sustapen Ekonomikorako sailaren bitartez, 16.000 euro inguru bideratuko ditu Sopelako jarduera ekonomikoa bultzatzeko diru-laguntzen deialdi berri bat abiarazteko. Diru-laguntza lerro honen helburua, enpresa proiektu berrien sorrera bultzatzea da, Sopelan helbide fiskala, soziala eta lantokia izan eta sorrera berrikoak diren enpresei beraien  jarduera abian jartzeko beharrezko inbertsioetarako diru-laguntzak ematea alegia.

Teresa Fernández zinegotzi arduradunaren esanetan, “deialdi honekin, alde batetik, enpresa sortu berriei laguntza eman nahi diegu eta gaur egungo ekoizpen ehuna suspertzeko pizgarriak eskaini; eta, bestetik, komunitatearen beharrei erantzuna emango dieten eta gaur egungo ekonomian lehia dezaketen enpresa jarduera berriak babestu nahi ditugu”.

Diru-laguntzak 2018ko urtarrilaren 1etik urriaren 30era bitartean, abian jarri diren enpresa proiektuetarako bideratuko dira.

Enpresa proiektu bakoitzerako, gehienez ere 3.000,00 euroko laguntza izango da, eta, nolanahi ere, inbertsioaren %75a izan ahal izango da. Diruz laguntzen diren gastuei dagokionez, aipatzekoak dira informatikako aplikazioak, instalazio teknikoak, makineria, tresneria, altzariak edota informazio-prozesuetarako ekipamenduak, besteak beste.

Eskariak aurkezteko epea hurrengo ostegunera arte, azaroak 15, egongo da zabalik.

Diru laguntzak eskatzeko inprimakia eta deialdiaren oinarriak interesdunen eskura daude bai www.sopela.eus webgunean bai udal bulegoetan ere.  


 

Enplegu eta Sustapen Ekonomikoaren Azken Albisteak

article thumbnail  Sopelako Udalak 6.746 bonu jarriko ditu zirkulazioan (5 euroko 4.497 bonu eta 10 euroko 2.249 bonu), 45.000 euroko udal diru-laguntzaren bidez ordainduak. Horri esker, kontsumitzaileek deskontuak izango dituzte. Kanpainak bi helburu ditu: udalerriko establezimenduetan kontsumoa sustatzea, udalerriko jarduera ekonomikoaren eragile izan diren eta diren sektore horiek biziberritzen laguntzeko; eta...
article thumbnailEskaerak Udaleko Erregistro Orokorrean aurkeztu ahal izangp dira, baita telematikoki ere egoitza elektronikoaren bidez (https://sopela.egoitzaelektronikoa.eus) ekainaren 14ra arte. Sopelako merkataritza eta ekonomia jarduera berreskuratzen laguntzeko, Udalak 6.746 bonu jarriko ditu zirkulazioan uztailaren 1etik aurrera. Horiei esker, 20 eta 40 euroko gutxieneko erosketa egin ahal izango da, 5...
article thumbnailEusko Jaurlaritzak dagoeneko argitaratu ditu Euskal Herriko Aldizkari Ofizialean 2020rako “COVID-19” laguntzak arautzen eta deitzen dituzten bi agindu, bai euskal merkataritza-sektoreari bai turismo-sektoreari (tabernak, hotelak, surfa, etab.) buruzkoak: Hauek dira aginduen estekak: Merkataritza-sektorea: https://www.euskadi.eus/diru_laguntza/2020/covid-19-merkataritza/web01-tramite/eu/  Turismo-sektorea: ...
article thumbnail   Ekimenaren helburua koronabirusaren pandemiak sortutako osasun alarmaren ondorioz udalerriko sare ekonomikoak dituen beharrak eta arazoak identifikatzea da. Udalak ezinbestekotzat jotzen du Sopelako enpresa eta negozio guztien parte hartzea, eta horregatik, dei egiten du proiektuarekin bat egin dezaten eta laguntza, konpromisoa eta lankidetza eskatzen die. Programa udal talde guztiek azken...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia