Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak Gizarte eta Osasun Arretarako Prestakuntza Modulu berri bat abiaraziko du

cabecera empleo y promocioneconomica

Sopelako Udalak Gizarte eta Osasun Arretarako Prestakuntza Modulu berri bat abiaraziko du

Alde batetik udalerrian enplegua sortu, hobetu eta ekonomia sustatzeko eta bestetik, sopeloztarron bizi-kalitatea eta ongizatea hobetzeko helburuarekin, Sopelako Udalak, Enplegua eta Ekonomia Sustatzeko Sailaren bitartez, mendeko pertsonei gizarte erakundeetan gizarte eta osasun arreta emateko formazio modulu berri bat jarri du martxan.

Parte hartu nahi dutenek, aldez aurretik eman beharko dute izena, www.sopela.eus webgunean edota udal bulegoetan dagoen inprimakia betez. Epea, bihar irekiko da, irailak 5.  Modulua egiteko baldintzei dagokionez, beste batzuen artean, ikasleek Udaleko erroldan erroldatuta egon eta gutxienez Derrigorrezko Bigarren Hezkuntzako (DBH) graduatuaren edo Lanbide Heziketako graduatuaren titulua izan beharko dute.

Ikastaroak, guztira, 350 orduko iraupena izango du, horietatik 270 ordu teorikoak izango dira eta beste 80ak, praktikoak. Prestakuntza prozesua gainditzen dutenek Mendeko pertsonei gizarte-erakundeetan gizarte- eta osasun-arreta emateko profesionaltasun ziurtagiria jasoko dute.

Prestakuntza berri hau, Udalak langabezian edota enplegua hobetzeko egoeran dauden sopeloztarrak lan-merkatuan sartzeko helburuarekin abiarazten dituen ekintzen barruan dago. Teresa Fernández Enplegua eta Ekonomia Sustatzeko zinegotziak adierazi duenez,  “oso lehiakorra eta aldakorra den lan-merkatu baten esparruan prestakuntza funtsezko elementua da, are gehiago, beren burua birziklatu eta eskaera berrietara egokitu behar duten langabeen kasuan”.

Gaur egun, laguntza behar duten pertsonentzako giza eta osasun arlokoetako arreta profesional asko eskatzen ari den sektorea da, “beraz, gero eta beharrezkoagoa da arlo horretako prestakuntza, lan-merkatuaren beharrizanak betetzeko. Hori dela eta, Sopelako Udalak, beste behin, aurrekontu eta kudeaketaren aldetik ahalegin handia egin du herritar guztiei eta, bereziki, Sopelako pertsona behartsuenei laguntzeko” adierazi du Gontzal Hermosilla alkateak.

Moduluaren edukia:

Ikasleek eduki teorikoen bidez, higiene- eta elikadura-arretan esku hartzea (70 ordu), gizarte- eta osasun-arretan esku hartzea  (70 ordu) eta laguntza psikosoziala eta harreman- eta komunikazio-arreta (130 ordu) landuko dute. Formazio fasea gaindituta, 80 orduz lanekoak ez diren jardunbideak egingo dituzte enpresetan.

Hau izango da ikastaroaren edukia:

Erakundeetako higiene- eta elikadura-arretan esku hartzea  ( 70 ordu)
Erakundeetako gizarte- eta osasun-arretan esku hartzea  (70 ordu)
Laguntza psikosoziala eta harreman- eta komunikazio-arreta erakundeetan (130 ordu)

  • Mendekotasundun pertsonen giza suspertzea erakundeetan (30 ordu) 
  • Mendekotasundun pertsonen eguneroko jarduerak mantentzea eta hobetzea erakundeetan (50 ordu) 
  • Erakundeetan mendekotasundun pertsonekin komunikatzeko teknikak  (50 ordu)

Mendekotasundun pertsonentzako gizarte erakundeetan gizarte-osasun arloetako arreta emateko lanekoak ez diren jardunbideak (80 ordu). Profesionaltasun-ziurtagiriko modulu guztiak gainditu izana egiaztatu ahal duenak  bakarrik. 

 

Enplegu eta Sustapen Ekonomikoaren Azken Albisteak

article thumbnail  Sopelako Udalak 6.746 bonu jarriko ditu zirkulazioan (5 euroko 4.497 bonu eta 10 euroko 2.249 bonu), 45.000 euroko udal diru-laguntzaren bidez ordainduak. Horri esker, kontsumitzaileek deskontuak izango dituzte. Kanpainak bi helburu ditu: udalerriko establezimenduetan kontsumoa sustatzea, udalerriko jarduera ekonomikoaren eragile izan diren eta diren sektore horiek biziberritzen laguntzeko; eta...
article thumbnailEskaerak Udaleko Erregistro Orokorrean aurkeztu ahal izangp dira, baita telematikoki ere egoitza elektronikoaren bidez (https://sopela.egoitzaelektronikoa.eus) ekainaren 14ra arte. Sopelako merkataritza eta ekonomia jarduera berreskuratzen laguntzeko, Udalak 6.746 bonu jarriko ditu zirkulazioan uztailaren 1etik aurrera. Horiei esker, 20 eta 40 euroko gutxieneko erosketa egin ahal izango da, 5...
article thumbnailEusko Jaurlaritzak dagoeneko argitaratu ditu Euskal Herriko Aldizkari Ofizialean 2020rako “COVID-19” laguntzak arautzen eta deitzen dituzten bi agindu, bai euskal merkataritza-sektoreari bai turismo-sektoreari (tabernak, hotelak, surfa, etab.) buruzkoak: Hauek dira aginduen estekak: Merkataritza-sektorea: https://www.euskadi.eus/diru_laguntza/2020/covid-19-merkataritza/web01-tramite/eu/  Turismo-sektorea: ...
article thumbnail   Ekimenaren helburua koronabirusaren pandemiak sortutako osasun alarmaren ondorioz udalerriko sare ekonomikoak dituen beharrak eta arazoak identifikatzea da. Udalak ezinbestekotzat jotzen du Sopelako enpresa eta negozio guztien parte hartzea, eta horregatik, dei egiten du proiektuarekin bat egin dezaten eta laguntza, konpromisoa eta lankidetza eskatzen die. Programa udal talde guztiek azken...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia