Zu hemen zaude: Hasiera Albisteak Asteburu honetan Inauteriak ospatuko ditugu Sopelan

Asteburu honetan Inauteriak ospatuko ditugu Sopelan

 

Datorren otsailaren 11n, Inauteriak ospatuko ditugu Sopelan eta ekintzaz beteriko egitaraua antolatu dugu. Jaia, 18:00etan hasiko da Urko kiroldegian. Ateak zabaldu bezain laster mozorro lehiaketan parte hartzeko izen-emateak hasiko dira. Jarraian, 18:15ak aldera, aurpegia margozteko eta mozorroen osagarriak egiteko tailerrei ekingo diegu eta photocall bat ere egongo da, argazkiak atera eta momentuan inprimatzeko. Jolasez eta dantzez beteriko diskofesta 18:45etan hasiko da eta 20:00ak arte luzatuko da. Ordu horretan, hain zuzen ere, sari banaketa hasiko da.

Sariak banatzeko orduan, epaileek  mozorroaren originaltasuna eta kalitateaz gain, parte-hartzaileen jarrera ere izango dute kontuan: aurpegia margotzea edo osagarriak egitea, photocallean argazki originalak ateratzea, diskofestan planteatzen diren dantza eta jolasetan parte hartzea, era ikusgarrian dantzatzea, etab.

Leku kopurua 700 pertsonetara mugaturik egongo da.

Gazte Inauteriak 

Sopelako kuadrilak ere prest daude Inauteriak ospatzeko. Izan ere, otsailaren 10ean Ander Deuna ikastolan bazkaria (14:30) eta mozorro desfilea  (17:00) antolatu dute eta 19:30etatik aurrera herrian zehar elektrotxaranga batekin girotutako poteoa ere egingo dute. Aurten, Zinema izango da mozorroen gaia.

Aisialdia eta Kulturazko azken albisteak

Ludoteka: martxoko programazioa
2018eko otsailaren 16a
article thumbnail Sopelako Udalak ekintza ugari antolatu ditu ludotekan martxoan zehar. Alde batetik, hilaren 1, 2, 5, 6, 7, 8, 9,12,13,14,15,16,19, 20, 21, 22 eta 23an udaberri tailerrak egingo dira. Ildo horretan, aipatzekoa da, hilaren 14an parte hartzaileek etxetik arrautza ontzi bat eraman beharko dutela eta 19an, aldiz, jogurt potea. Beste alde batetik, larunbatean, otsailak 3, tximeletak eta zabuak...
article thumbnail  Datorren otsailaren 11n, Inauteriak ospatuko ditugu Sopelan eta ekintzaz beteriko egitaraua antolatu dugu. Jaia, 18:00etan hasiko da Urko kiroldegian. Ateak zabaldu bezain laster mozorro lehiaketan parte hartzeko izen-emateak hasiko dira. Jarraian, 18:15ak aldera, aurpegia margozteko eta mozorroen osagarriak egiteko tailerrei ekingo diegu eta photocall bat ere egongo da, argazkiak atera eta...
article thumbnail  Sopela nazioarte mailan surfak duen erreferentzia gisa ezartzeko xedez, Sopelako Udalak, TAUI Media ekoizlearekin elkarlanean, bigarren urtez jarraian Sopela Surf Film Sessions izeneko surfaren inguruko laburmetrai desberdinak proiektatzeko ekimena antolatu du. Aurten, gainera, ekimena nobedadez beterik dator. Batetik, hitzordua hirukoitza izango da eta otsailaren 1, 2 eta 3an ospatuko da...
Otsaileko agenda kulturala
2018eko urtarrilaren 25a
article thumbnail  Otsailak 1, 2, 3 SOPELA SURF FILM SESSIONS Surfaren inguruko laburmetraien topaketa, zuzendari eta surflarien parte hartzearekin. Ordua: 19:00 Tokia: Kurtzio Kultur Etxea Euskaraz eta gaztelaniaz Sarrera doan Otsailak 4 AGATE DEUNA Egun guztian herritik zehar Lehiaketaren oinarriak: www.sopela.eus Otsailak 8 THE LADY IN THE VAN Genero ikuspegiko zinema Iraupena: 104 min. Ordua: 18:00 Tokia:...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia