Zu hemen zaude: Hasiera Albisteak Sopelako Udalak eta Mankomunitateak autobus bat antolatu dute Euskal Eskola Publikoaren Jaira joateko

Sopelako Udalak eta Mankomunitateak autobus bat antolatu dute Euskal Eskola Publikoaren Jaira joateko

Euskal Eskola
Sopelako Udalak eta Uribe Kostako Mankomunitateko Euskara Zerbitzuak autobus bat antolatu dute datorren ekainaren 5ean, Hendaian ospatuko den Euskal Eskola Publikoaren Jaira bertaratu nahi duten bizilagunentzat.

"Emazu eskua" da aurtengo 25.edizioaren leloa. Lelo honen bidez irudikatu nahi da elkarri eskua eta elkarri Euskara emateak duen garrantzia gure hizkuntzaren etorkizunerako. Hori dela-eta Euskara Ipar eta Hegoaldeko ikasle, irakasle eta gurasoen arteko komunikazio-tresna izatea bilatzen da ekainaren 5ean Hendaian.

Autobus zerbitzua martxan jartzeko gutxienez 15 pertsonek eman beharko dute izena. Inskripzio epea maiatzaren 31ra arte egongo da zabalik. Interesdunek Sopelako Udaletxean, Sopelarinen, Kurtzio Kultur Etxean eta Sopelako Udaleko web orrialdean eman ahalko dute izena.

Izena emateko eta ordaintzeko epea: Maiatzaren 23tik 31ra. Izena eman ahala ordaintzeko aukera dago (kreditu txartelaren bidez), edota helbideratze bidez (prozedura orokorrean egiten den modu berdinean).

Gutxieneko taldea: 15 pertsona.
Gehienezko kopurua: 54 pertsona.

Minimora heltzen ez bada ere, izena eman duten eta ordaindu dutenek Uribe Kostatik aterako den beste autobus batean joateko aukera izango dute (Gorliz/Plentzia).

Prezioak: Erroldatuak 5,00 € / Ez Erroldatuak: 8,00 €

Erroldatuak: Adinez txikikoak badira (18 baino gutxiago), nagusi batek (Guraso, tutoreak) egin beharko du izen ematea. Nagusi hori gurasoa edo tutorea ez bada, baimena eman beharko dio guraso/tutore horrek. Horretaz gain adin txikikoak direnen kasuan (gurasoa edo tutorearekin autobusean ez doazenak) ekintzan parte hartzeko baimena aurkeztu beharko dute sinaturik.

          o Izena emateko tokiak: Sopelako Udaletxea, Sopelarin, Kurtzio Kultur Etxea eta Sopelako Udaleko webgunea.

Ez erroldatuak: Erroldatuen prozedura bera + familia liburuaren kopia edota tutoretza ziurtarazten duen agiria. Ez erroldatuek ezin izango dute webgunean izenik eman, ez dagoelako datuak ziurtatzeko modurik.

          o Izena emateko tokiak: Sopelako Udaletxea, Sopelarin eta Kurtzio Kultur Etxea.

Baimenak: Bi baimen mota daude, adinez txikikoa den pertsona (18 urte baino gutxiago) ekintzan parte hartzera baimentzen duena (Eskola Publikoa baimena - pdf), eta bestetik gurasoa edo tutorea ez den pertsonari izena emateko baimena ematen diona (BAIMENA - Gurasoak- Tutores). Kasu bakoitzean dagokiona erabili behar izango da.

Irteera:
08:30 Sopela (eliza)  / 08:35 Larrabasterra (Urgitxieta)

Buelta:
20:00ean eta 20:15ean heldu

 

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia