Portal municipal de Sopela - Udalak herriko berdeguneak eta bide publikoak mantentzeko kontratua hobetu du
Usted está aquí: Inicio EMPLEO Y PROMOCIÓN ECONÓMICA BERRIAK Hirigintza Udalak herriko berdeguneak eta bide publikoak mantentzeko kontratua hobetu du

cabecera empleo y promocioneconomica

Udalak herriko berdeguneak eta bide publikoak mantentzeko kontratua hobetu du

 

  • Kontratu berria datozen asteetan esleituko da, eremu hauek herritarren erabilerarako eta gozamenerako egoera ezin hobean egotea lortzeko xedez. Horretarako 1,5 milioi euroko partida bat erreserbatu da.
  • Baliabide materialetan egindako inbertsioetan hobekuntzak aurreikusten dira, bai eta plantilla handitzea ere, laneko une jakin batzuetan 11 langilek indartuko dutelarik.
  • Besteak beste, kontratuak lorategiak eta parkeak zaintzea, berdeguneak eta urmaelak garbitzea, hiriko zuhaiztiak eta lorategiak mantentzea barne hartzen ditu.

Joan den abenduaren erdialdean, Udalak, kontratuaren zenbatekoa eta lan bolumena kontuan hartuta, 2021. urte honetan garrantzitsuenetakotzat jotzen den lizitazio-prozesu berri bati ekin zion: udalerriko lorategien eta bide publikoen mantentze jasangarrirako zerbitzua. Zerbitzu berria abian jartzeko erreserbatutako lizitazio-aurrekontua 1.478.890 eurokoa da, BEZa barne (ia milioi erdi euro urtean), eta kontratuak hiru urte iraungo du. Proposamenak aurkezteko epea datorren urtarrilaren 21ean amaituko da. Data horretatik aurrera, beraz, proposamenak aztertzeko faseari emango zaio hasiera.  

Josu Landaluze Sopelako alkatea pozik agertu da datozen 3 urteetan udalerriko parkeak, lorategiak eta berdeguneak kontserbatzeko, mantentzeko eta garbitzeko zerbitzu hobea izateko urrats hau eman delako. "Gure lehentasuna gune hauek kontserbazio egoera onenean mantentzea da, sopeloztar guztiek espazio hauetaz gozatzeko aukera izan dezaten. Kontratu berri honen esleipenak hainbat hobekuntza ekarriko ditu gure berdeguneen diseinu, egoera eta estetikari dagokienez, eta hobekuntza horiekin auzotarren eskaerei erantzun nahi diegu", esan du alkateak. Udal gobernuak, aurkeztutako eskaintzak aztertu ondoren, zerbitzu berria Aste Santuaren ondoren martxan egotea espero du.

Kontratu berriak dakarren berrikuntza nagusietako bat plantilla indartzea da. Gaur egun plantillan 5 lorezain, 2 lorezain laguntzaile eta arduradun bat daude, eta hauek subrogatuko dira. Une oro, langile hauek gehi beste langile bat gehiago, izango dira zerbitzuko gutxieneko langileak, eta bajak eta oporrak aldi baterako langileekin beteko dituzte, zerbitzuan aldi berean 9 pertsona lanaldi osoan izan daitezen une oro. Gainera, errefortzuko 2 pertsona sartuko dira lanaldi osoan, apiriletik ekainera bitartean, hau da, lan gehien egiten den garaian, aldi berean 11 pertsona lanean egon daitezen. Era berean, giza baliabide gehiago izateaz gain, baliabide materialak ere hobetu egingo dira, makineria berrituz, zerbitzu hobea eskaini ahal izateko, udalerriko kaleen, parkeen eta gainerako espazio publikoen irudian modu positiboan eraginez.

Egin beharreko zerbitzuak:

Zerbitzuaren garapenari dagokionez, Sopelako hiriguneko parkeak, lorategiak eta berdegune publikoak kontserbatzeaz eta mantentzeaz ari gara, bai eta biribilguneak eta bide-zuhaiztiak zaintzeaz ere. Horietan, eremu horiek erabilera eta gozamen publikorako egoera ezin hobean egoteko beharrezkoak diren lorezaintza-teknika guztiak gauzatuko dira, eta, gainera, eremu hori osatzen duten elementuen balio botanikoa eta apaingarria edertzen eta hobetzen lagunduko da. Egingo diren mantentze-lanen artean, honako hauek nabarmentzen dira: 

 

  • Berdeguneak, urmaelak eta ur-xaflak garbitzea.
  • Berdeguneak moztea.
  • Berdeguneak eta bertako gainerako landareak ureztatzea.
  • Lorategiak ureztatzea.
  • Mendiguneen eta zuhaiztien ertzak kontserbatzea, eratzea eta zaintzea.
  • Birjarri beharreko lerrokatze-zuhaitzak
  • Parterreak kontserbatzea eta landatzea.
  • Zuhaixken, heskaien eta mintegien inausketak eta errektoreak.
  • Lorategien mantentze-lanak: guztira 184.
  • Lerrokatze-zuhaitzak lantzea, mantentzea eta inaustea.
  • Berdeguneetako, txorkoetako eta lorategietako ongarri mineralak.

Urtean 4 aldiz, arekak garbitu eta eratuko dira, bai eta galtzadetako eta 40 bide inguruko alboetako belar-sastrakak ere.

Halaber, kontratu berriak, alde batetik, berdeguneen eta hiri-zuhaiztien egungo egoeraren diagnostikoa jasotzen du, eta, bestetik, zerbitzua garatzeko eta antolatzeko programa bat egitea. Enpresa esleipendunak prestakuntza saio osagarriak ere antolatuko ditu langileen trebakuntza hobetzeko, eta, era berean, ingurumen-plan bat gauzatuko du. Plan horretan, ingurumenaren gaineko eragina murriztuko duten baliabideak, materialak eta produktuak erabiltzea aurreikusiko da, bai erregai ekologikoak erabiltzeagatik, bai zaratak gutxitzeagatik, etab.

 

 

Últimas noticias de Empleo y Promoción Económica

article thumbnail  A finales del 2019, los Ayuntamientos de Sopela y Getxo firmaron un protocolo de actuación con el objetivo de promocionar e impulsar el desarrollo y el crecimiento del sector de la industria del surf y otros deportes de deslizamiento en ambos municipios. Getxo y Sopela concentran aproximadamente la mitad de la actividad económica del surf en Bizkaia, además de contar con eventos internacionales de primer...
article thumbnail  Se celebrará del 15 de marzo al 20 de mayo, de lunes a viernes de 9.00 h a 13:00 h en el centro “Nuevas técnicas profesionales” de Leioa.  Las plazas serán limitadas (10 plazas), de modo que será imprescindible inscribirse previamente del 23 de febrero al 9 de marzo rellenando el formulario disponible en el “Portal de campañas” de la web www.sopela.eus  y/o en las dependencias municipales. Con el principal...
article thumbnail  El pasado sábado, 13 de febrero, se celebró en Sopela la primera de las tres fases de la iniciativa para jóvenes “Googaz 3.0”, organizada por el Área de Empleo y Promoción Económica del Ayuntamiento de Sopela. Se trata de un programa que fomenta la mentalidad emprendedora de la juventud de Sopela, introduciendo a los y las participantes en los retos locales que tienen nuestros comercios y...
article thumbnail  Se establecen las bases para proteger y dar soporte económico de forma directa al sector turístico vasco, a las personas trabajadoras por cuenta propia o autónomas, microempresas, pequeñas y medianas empresas, para minimizar el impacto de las medidas adoptadas para contener la expansión de la COVID-19 y posibilitar que se produzca lo antes posible un relanzamiento de su actividad. Las ayudas...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia