Portal municipal de Sopela - Udalak herriko berdeguneak eta bide publikoak mantentzeko kontratua hobetu du
Usted está aquí: Inicio Noticias BERRIAK Hirigintza Udalak herriko berdeguneak eta bide publikoak mantentzeko kontratua hobetu du

Udalak herriko berdeguneak eta bide publikoak mantentzeko kontratua hobetu du

 

  • Kontratu berria datozen asteetan esleituko da, eremu hauek herritarren erabilerarako eta gozamenerako egoera ezin hobean egotea lortzeko xedez. Horretarako 1,5 milioi euroko partida bat erreserbatu da.
  • Baliabide materialetan egindako inbertsioetan hobekuntzak aurreikusten dira, bai eta plantilla handitzea ere, laneko une jakin batzuetan 11 langilek indartuko dutelarik.
  • Besteak beste, kontratuak lorategiak eta parkeak zaintzea, berdeguneak eta urmaelak garbitzea, hiriko zuhaiztiak eta lorategiak mantentzea barne hartzen ditu.

Joan den abenduaren erdialdean, Udalak, kontratuaren zenbatekoa eta lan bolumena kontuan hartuta, 2021. urte honetan garrantzitsuenetakotzat jotzen den lizitazio-prozesu berri bati ekin zion: udalerriko lorategien eta bide publikoen mantentze jasangarrirako zerbitzua. Zerbitzu berria abian jartzeko erreserbatutako lizitazio-aurrekontua 1.478.890 eurokoa da, BEZa barne (ia milioi erdi euro urtean), eta kontratuak hiru urte iraungo du. Proposamenak aurkezteko epea datorren urtarrilaren 21ean amaituko da. Data horretatik aurrera, beraz, proposamenak aztertzeko faseari emango zaio hasiera.  

Josu Landaluze Sopelako alkatea pozik agertu da datozen 3 urteetan udalerriko parkeak, lorategiak eta berdeguneak kontserbatzeko, mantentzeko eta garbitzeko zerbitzu hobea izateko urrats hau eman delako. "Gure lehentasuna gune hauek kontserbazio egoera onenean mantentzea da, sopeloztar guztiek espazio hauetaz gozatzeko aukera izan dezaten. Kontratu berri honen esleipenak hainbat hobekuntza ekarriko ditu gure berdeguneen diseinu, egoera eta estetikari dagokienez, eta hobekuntza horiekin auzotarren eskaerei erantzun nahi diegu", esan du alkateak. Udal gobernuak, aurkeztutako eskaintzak aztertu ondoren, zerbitzu berria Aste Santuaren ondoren martxan egotea espero du.

Kontratu berriak dakarren berrikuntza nagusietako bat plantilla indartzea da. Gaur egun plantillan 5 lorezain, 2 lorezain laguntzaile eta arduradun bat daude, eta hauek subrogatuko dira. Une oro, langile hauek gehi beste langile bat gehiago, izango dira zerbitzuko gutxieneko langileak, eta bajak eta oporrak aldi baterako langileekin beteko dituzte, zerbitzuan aldi berean 9 pertsona lanaldi osoan izan daitezen une oro. Gainera, errefortzuko 2 pertsona sartuko dira lanaldi osoan, apiriletik ekainera bitartean, hau da, lan gehien egiten den garaian, aldi berean 11 pertsona lanean egon daitezen. Era berean, giza baliabide gehiago izateaz gain, baliabide materialak ere hobetu egingo dira, makineria berrituz, zerbitzu hobea eskaini ahal izateko, udalerriko kaleen, parkeen eta gainerako espazio publikoen irudian modu positiboan eraginez.

Egin beharreko zerbitzuak:

Zerbitzuaren garapenari dagokionez, Sopelako hiriguneko parkeak, lorategiak eta berdegune publikoak kontserbatzeaz eta mantentzeaz ari gara, bai eta biribilguneak eta bide-zuhaiztiak zaintzeaz ere. Horietan, eremu horiek erabilera eta gozamen publikorako egoera ezin hobean egoteko beharrezkoak diren lorezaintza-teknika guztiak gauzatuko dira, eta, gainera, eremu hori osatzen duten elementuen balio botanikoa eta apaingarria edertzen eta hobetzen lagunduko da. Egingo diren mantentze-lanen artean, honako hauek nabarmentzen dira: 

 

  • Berdeguneak, urmaelak eta ur-xaflak garbitzea.
  • Berdeguneak moztea.
  • Berdeguneak eta bertako gainerako landareak ureztatzea.
  • Lorategiak ureztatzea.
  • Mendiguneen eta zuhaiztien ertzak kontserbatzea, eratzea eta zaintzea.
  • Birjarri beharreko lerrokatze-zuhaitzak
  • Parterreak kontserbatzea eta landatzea.
  • Zuhaixken, heskaien eta mintegien inausketak eta errektoreak.
  • Lorategien mantentze-lanak: guztira 184.
  • Lerrokatze-zuhaitzak lantzea, mantentzea eta inaustea.
  • Berdeguneetako, txorkoetako eta lorategietako ongarri mineralak.

Urtean 4 aldiz, arekak garbitu eta eratuko dira, bai eta galtzadetako eta 40 bide inguruko alboetako belar-sastrakak ere.

Halaber, kontratu berriak, alde batetik, berdeguneen eta hiri-zuhaiztien egungo egoeraren diagnostikoa jasotzen du, eta, bestetik, zerbitzua garatzeko eta antolatzeko programa bat egitea. Enpresa esleipendunak prestakuntza saio osagarriak ere antolatuko ditu langileen trebakuntza hobetzeko, eta, era berean, ingurumen-plan bat gauzatuko du. Plan horretan, ingurumenaren gaineko eragina murriztuko duten baliabideak, materialak eta produktuak erabiltzea aurreikusiko da, bai erregai ekologikoak erabiltzeagatik, bai zaratak gutxitzeagatik, etab.

 

 

Últimas noticias de Sostenibilidad

article thumbnailCon el objetivo de mejorar la empleabilidad, promocionar el empleo que repercuta en el desarrollo socioeconómico y la modernización del territorio, el Ayuntamiento de Sopela ha contratado a 14 personas desempleadas que actualmente están realizando mejoras del entorno ambiental, como podas y/o desbrozamiento de caminos.La iniciativa está enmarcada en el Plan comarcal de Ayudas Locales del...
article thumbnailEl Ayuntamiento de Sopela apela a la colaboración de los vecinos y vecinas del municipio para tratar de evitar los descontroles puntuales que se vienen produciendo en distintos puntos del municipio a la hora de depositar en la vía pública los llamados residuos voluminosos. El último caso de mala praxis detectado durante el servicio se ha producido en la calle Loiola Ander Deuna, cuando un...
article thumbnailHoy ha arrancado en el Instituto Iberre el proyecto Agenda Escolar 2020-2021. Con la ayuda de EKOGUNE, el departamento de medio ambiente de la Mancomunidad de Uribe Kosta, van a enfrentar un gran reto: reducir el uso del plástico en el instituto y en Sopela. Los y las ecorepresentantes ya han comenzado a elaborar encuestas para conocer el uso del plástico entre sus compañeros y compañeras....
Sopela apoya el compostaje
03 Diciembre 2020
article thumbnail¿Conoces el compostaje y crees que es el momento de dar el paso? ¿Quieres ser ecoresponsable y gestionar tus propios residuos orgánicos en casa? ¿Has oído hablar de ello y no sabes por dónde empezar? ¡En el ayuntamiento de Sopela queremos ayudarte! ¿Dónde harías el compostaje? ¿Qué residuos depositarias? ¿Has tenido alguna vez compostador? ¿Cómo fue la experiencia? ¿Sois una comunidad de...
Más noticias: Sostenibilidad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia