Usted está aquí: Inicio Noticias BERRIAK Iraurkontasuna Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

 

2018an, 1.334 tona paper eta kartoi jaso ziren Mankomunitateko 7 udalerrietan kokatutako 274 edukiontzietan. Hala ere, eskualdeko herrietan egindako karakterizazioen ostean, ondorioa da zarama‑edukiontzietara botatzen denaren %6-8 papera eta kartoia dela.

Paper eta kartoizko hondakinak erraz birziklatzen dira baldin eta gure etxe eta saltokietan ondo sailkatu, eta gero edukiontzi urdinera botatzen badira. Horregatik, Uribe Kostako Mankomunitateak azpimarratu nahi du oso garrantzitsua dela hondakin‑mota horiek jatorrian ondo sailkatzea, eta, horri begira, zenbait ekimen jarriko dira abian.

Ekintza horiek guztiak hondakinak prebenitzeko europar astean egingo dira, Europa osoan, azaroaren 16tik 24ra bitartean.

 Hona hemen garrantzitsuenak:

1.- BINILOAK JARTZEA

Binilo bana jarriko da papera eta kartoia birziklatzeko edukiontzietan, eta hor adieraziko da bertara zer bota daitekeen eta zer ezin daitekeen. Era berean, herritarrei gogoraraziko zaie kutxak tolestatu egin behar direla edukiontzira sartu baino lehenago. Gogorarazi behar dugu, bestalde, edukiontzi honetara ezin direla bota egurrezko kutxak, poliespanezko hondakinak, ezta plastikozko hondakinak ere.

2.- SALTOKIETARA GUTUNAK BIDALTZEA

Uribe Kostan paper eta kartoi asko sortzen duten 300 saltokitara gutun bana bidaliko da, papera eta kartoia atez ate biltzeko doako zerbitzuan izena eman dezaten.

 3.- BISITA PERTSONALIZATUA SALTOKIETARA

Paper eta kartoi asko sortzen duten saltokietara gutuna bidali ondoren, ingurumen‑hezitzaileek bisita pertsonalizatuak egingo dituzte leku horietara, eta hor azalduko zaie saltzaileei zertan datzan papera eta kartoia atez ate biltzeko doako zerbitzua.

Gainera, iman bana emango zaie, non jasota egongo baitira, batetik, zerbitzuan izena emateko doako telefono‑zenbakia; eta, bestetik, frakzio bakoitzaren gaineko azalpen txiki bat. Zerbitzu honetan alta emateko telefonoa 900 720 631 da, eta bilketa‑enpresa harremanetan jarriko da saltokiarekin bilketa‑ordua eta modua adosteko.

4.- BIRZIKLATZEARI BURUZKO INFORMAZIO‑ORRIAK, ETA EDUKIONTZIEN ONDOKO INFORMAZIO‑EMALEAK. “BIRZIKLATU ZALANTZARIK GABE”

2012ko “birziklatu zalantzarik gabe” kanpainako informazio‑orrien beste edizio bat egin da, edukia eta frakzioak eguneratuta. Argibideak emateko 15.000 triptiko editatu dira, horien bidez kendu nahi baitira jatorrian behar bezala sailkatu ondoren edukiontzi egokira botatzearen inguruko zalantzak. Irudiz osatutako triptiko bat da, bertan adierazita zer bota behar den edukiontzi bakoitzera, eta zer ez, herritarrek argi eduki dezaten nola sailkatu behar diren hondakinak.

Ingurumen‑hezitzaileek banatuko dituzte triptikook, edukiontzien ondo‑ondoan, eta lekuan bertan argituko dituzte litezkeen zalantzak.

Era berean, eskuragarri izan daitezen, web‑orrian ere eskegiko dira, PDF formatuan.

Ikastetxeetan

Triptikoen kopuru osotik, 4.000 banatuko dira Uribe Kostako ikasle guztien artean, txiki‑txikitatik ulertarazteko zein garrantzitsua den hondakinak sailkatu eta birziklatzea. Gainera, zuzeneko modua da familietara iristeko eta etxeko guztiek eginkizun honetan duten ardura helarazteko.  Eskola Agenda 21en parte hartzen duten ikastetxe guztiek “check list” erako inkesta egingo dute, eta horri esker identifikatuko da zein diren etxeetan birziklatzean egiten diren akatsak; akatsak topatu ondoren, konponbideak bilatuko dira.

Ekimen hauen guztien helburua da gero eta hondakin gehiago sailkatuta jasotzea gure eskualdean, ondoren birziklatu ahal daitezen.

Argibide gehiago nahi izatekotan, deitu EKOGUNEren telefonora: 94 657 92 80.

 

 

Últimas noticias de Sostenibilidad

article thumbnailTras la solicitud de colaboración a la ciudadanía de no tirar muebles ni residuos voluminosos, por los servicios especiales que estaban ofreciendo las personas trabajadoras de Recogida de Basuras, reforzando servicios como el de desinfección, el Ayuntamiento informa que:  Se vuelve a activar la recogida de muebles y residuos voluminosos los lunes por la mañana. A partir del día 10 de mayo,...
article thumbnailDebido a las circunstancias especiales que estamos viviendo a causa de la propagación del COVID-19, el Ayuntamiento de Sopela se ve obligado a cerrar el plazo para la presentación de ideas del concurso para la construcción de bidegorris y asimismo, se retrasa su evaluación y publicación. Se trata del concurso que el consistorio puso en marcha para la construcción de bidegorris con el objetivo...
article thumbnail Los contenedores, personalizados y de color gris, se ubican enfrente del Ayuntamiento, en Larrabasterra, en Arrietara y en Atxabiribil.  La recaudación que se obtenga con la recogida de los tapones se destinará  a personas y colectivos desfavorecidos o proyectos solidarios. El dinero recaudado en esta primera recogida irá destinado a la Asociación Vasca Sanfilippo, formada por familiares y amigos de niños...
article thumbnailEl Ayuntamiento de Sopela ha dado el pistoletazo de salida a su Plan Energético Municipal 2019-2030. El documento ya está disponible en la propia página web del Ayuntamiento. Puedes descargártelo pinchando en el siguiente enlace: http://sopelaudala.org/index.php/eu/dokumentuak-sopela/cat_view/10-iraunkortasuna-sostenibilidad A través de esta iniciativa, el consistorio pretende realizar un diagnóstico de la situación...
Más noticias: Sostenibilidad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia