Usted está aquí: Inicio Noticias BERRIAK Sopela Josu Landaluze, Sopelako alkate izendatu dute

Josu Landaluze, Sopelako alkate izendatu dute

  • Hautagai jeltzalea gaur goizean izendatu dute alkate bere alderdiaren eta PSE-EEren aldeko botoekin. Boto hauei esker, eta zerrenda bozkatuena izanik, EAJ-PNVk bere bigarren agintaldiari ekingo dio jarraian, oraingoan Landaluzeren gidaritzapean.

Josu Landaluze, EAJ-PNVren hautagaia, Sopelako alkate berria da jada datozen lau urteetarako. Alkate jeltzalea udalbatza berria eratzeko gaur goizean ospatu den osoko bilkuran izendatu dute alkate. Landaluzek bere alderdiaren aldeko botoak (7) lortzeaz gain, PSE-EEren (1) babesa ere izan du. Boto hauei esker, EAJ-PNVk, maiatzaren 26ko udal hauteskundeetan botorik gehien jaso zituen alderdia izanik, elkarren segidako bigarren agintaldiari aurre egingo dio, oraingo honetan, Landaluzeren gidaritzapean. Unai del Burgo, EH Bilduko hautagaiak ere alkate izateko hautagaitza aurkeztu du, baina bere alderdiaren sei botoak eta Elkarrekin Podemosen bi jaso ditu. DB-TUko ordezkari bakarrak, bere burua bozkatu du.

Landaluze buru zuen zerrenda jeltzaleak 2.731 boto lortu zituen joan de maiatzean izandako udal hauteskundeetan, hau da, duela lau urte baino 166 boto gehiago, botoen %37,67a eskuratuz. Landaluzek EAJ-PNVk 2015ean lortu zituen 7 zinegotziak mantentzea lortu du. Bere aldetik, EH Bildu, orain arte izan dituen 6 zinegotzirekin mantentzen da, Elkarrekin Podemos 2 zinegotzirekin sartzen da eta DB-TUk bere bi zinegotzietatik bat galtzen du.

Inbestidurako osoko bilkuran datozen urteetan Udala osatuko duen udal korporazio berria eratu da. Korporazio berria EAJ-PNVko Josu Landaluze alkateak eta Naiara Ibarzabal, Natxo Moreno, Amaia Guenetxea, Angelines Ibarra, Joseba Arruza eta Marylin Panayotou zinegotziek, EH Bilduko Unai del Burgo, Guruzne Carrasson, Ander Moreno, Aitziber Onaindia, Mikel Tapia eta Arantza Bilbaok, Elkarrekin Podemoseko Eder García eta Patricia Alfonsok, PSE-EEko Teresa Fernandezek eta DB-TUko Jon Gerediagak osatzen dute.

Bere karguaz jabetu eta gutxira, Landaluzek bere herriko Alkatetza bere gain hartzea “sopeloztar batentzat ohore bat” dela adierazi du eta etapa berri honi “ilusioz, energia berrituz eta batez ere, erantzukizun handiz” aurre egiten diola esan du, “ditugun erronkak aurrera ateratzea ezinbestekoa baita sopeloztarren ongizatea eta bizi kalitatea hobetzen jarraitzeko”.

Alkate jeltzaleak bere Gobernu taldea jakintza-alor anitzekoa dela azpimarratu du, gaztetasuna beteranotasuna fusionatzen dituena, eta “lana, zintzotasuna eta hurbiltasuna” promestu ditu. Landaluzeren esanetan Udala herritarrengana irekitzeaz gain, bere helburu nagusia, bere “obsesioa”, hauteskunde programa betetzea da. Landaluzek bere programan jasotako hainbat ekintza aipatu ditu, hala nola, Urko kirol-hiri berria, Zipiriñe eskola zabaltzea, babestutako etxebizitza publikoen garapena, laborategi kulturala, espazio publikoak eta irisgarritasuna hobetzea, emakume eta gizonen arteko berdintasuna, Iturrieta frontoian estalki bat jartzea, zabor eta birziklapen politika aktiboak eta garapen ekonomikoa.

Zentzu honetan, Sopelako alkate berriak proiektuak aurrera ateratzeko gainerako alderdi politikoekin ahalik eta adostasun handienak bilatzeko lan egingo duela nabarmendu du, “Sopelak aurrera egin dezan zentzu guztietan. Entzutea, elkarrizketa eta akordioak Sopelagatik eta Sopelarentzako”.

Bere hitzak bukatu baino lehen, jeltzaleak bere eskerrak eman dizkie Udaleko langileei, zinegotziei, doazenei eta baita berriei ere, bere alderdiari, bere familiari eta EAJ-PNvren hautagaitzan konfiantza izan duten pertsona guztiei eta egungo legealdirako hartutako konpromisoak beteko dituela baieztatu du.

 

Últimas noticias de Seguridad ciudadana

article thumbnailLa Policía Local de Sopela ha realizado un balance de las actuaciones llevadas a cabo durante las Fiestas del Carmen celebradas del 12 al 16 de julio. Al igual que en las Fiestas de San Pedro la coordinación con otros servicios de seguridad (Ertzaintza y Metro) y de emergencia (DYA y Bomberos) ha resultado eficiente y no se ha contabilizado ningún delito de naturaleza sexual. Entre otras...
article thumbnailLa Policía Local de Sopela ha realizado un balance de las actuaciones llevadas a cabo durante las Fiestas de San Pedro 2019 celebradas del 27 al 30 de junio. Entre otras actuaciones preventivas efectuadas y denuncia de infracciones a diferentes normas, destacan las siguientes: Tres personas denunciadas por infracciones a la Ley Orgánica de Protección de la Seguridad Ciudadana: dos por tenencia...
article thumbnailAgentes de la Policía Local de Sopela investigan a dos vecinos de Mungia, de 33 y 47 años de edad, por la comisión de un delito contra la salud pública. Sobre las 17:15 h del miércoles, 26 de junio, varios agentes observaron en una zona próxima a la playa de Arriatera la llegada de un turismo ocupado por dos personas que al detectar la presencia del vehículo policial trató de eludirles. Una vez...
article thumbnailAprovechando la cercanía de las fiestas de Sopela, la Policía Municipal desea recordar a la ciudanía que la Ertzaintza dispone de una aplicación para dispositivos móviles para que los y las ciudadanas puedan contactar con la Ertzaintza de manera directa e inmediata. Se trata “APP Ertzaintza”,  una aplicación gratuita que puede ser descargada en cualquiera de los stores de los diferentes sistemas...
Más noticias: Seguridad ciudadana  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia