Portal municipal de Sopela - Sopelako Udalak 125.000 euro bideratuko ditu herriko merkataritza-, ostalaritza-eta mikroenpesa establezimenduentzako ez-ohiko laguntzetara
Usted está aquí: Inicio ACCION SOCIAL E IGUALDAD BERRIAK Enplegu eta Sustapen Ekonomikoa Sopelako Udalak 125.000 euro bideratuko ditu herriko merkataritza-, ostalaritza-eta mikroenpesa establezimenduentzako ez-ohiko laguntzetara

Sopelako Udalak 125.000 euro bideratuko ditu herriko merkataritza-, ostalaritza-eta mikroenpesa establezimenduentzako ez-ohiko laguntzetara

 

  • Eskabideak aurkezteko epea bihar irekiko da, azaroak 25 eta abenduaren 9ra arte egongo da zabalik (egun hori barne).
  • Covid-19k eragindako krisiaren eragina arintzera eta udalerriko merkataritza, ostalaritza eta mikroenpresetan jarduerari eta enpleguari eustera bideratuta daude.
  • Halaber, Sopelako Udalak jakinarazi du terrazak eta mahaitxoak eremu publikoan jartzeko ordenantza eguneratu eta egokitzeko aukera aztertzen ari dela. Aldaketa horrek eremu publikoan terrazak eta mahaitxoak jartzea antolatu, hobetu eta egokitzea ahalbidetuko luke.

Covid-19ren hedapena geldiarazteko aplikatzen ari diren murrizketak direla eta, udalerriko establezimendu eta negozio txikiek dituzten zailtasunen jakitun, Sopelako Udalak egoera zail hori arintzeko neurri berriak hartzen jarraitzen du. Ildo horretatik, Udalak beste deialdi bat ireki du. Izan ere, 125.000 euro bideratuko ditu udalerriko merkataritza, ostalaritza eta mikroenpresetan birusak eragindako krisiaren eragin ekonomikoa arintzeko.

Sopelako ahalik eta negozio gehienei laguntzeko partida ekonomiko garrantzitsua da. Badakigu Covidaren aurkako neurriek zer nolako zailtasunak ari diren sortzen euren jarduerari eusteko. Kasu askotan, ezin izan dute diru-sarrerarik lortu beren negozioak itxi behar izan dutelako eta beste kasu batzuetan, aldiz, lokala irekita egon arren, diru-sarrerak urteko aldi bereko beste ekitaldi batzuetakoak baino askoz txikiagoak izan dira. Hori dela eta, gure ustez, laguntza horiek funtsezkoak izango direla pandemiak gehien zigortzen dituen sektoreak ahal den neurrian arintzeko” baieztatu du Josu Landaluze alkateak.

Bestalde, Teresa Fernández Enplegu eta Ekonomia Sustapen Saileko zinegotziak adierazi du “Sopelan merkataritza-,ostalaritza- eta enpresa-jarduera sustatzeko erosketa-bonuak diruz laguntzeko deialdiarekin hasitako bidea jarraitzen dugu. Gure nahia Sopelan kokatutako establezimenduei bultzada ekonomikoa ematea da, hemen kokatutako saltoki edo mikroenpresei. Modu honetan, COVID-19k eragindako osasun-krisiaren aurretik zegoen merkataritza-, ostalaritza- eta enpresa sarea berreskuratu nahi dugu, eta ahal den neurrian, jarduera hauekin lotutako enpleguak ere”.

Onuradunak

Onuradun izan ahalko dira 10 langile baino gutxiagoko pertsona fisikoak (autonomoak eta/edo profesionalak, eta ondasun-erkidegoetako eta nortasun juridikorik gabeko sozietate zibiletako bazkideak) edo pertsona juridikoak, baldin eta urtean 2 milioi euroko negozio-bolumena gainditzen ez badute, legez eratuak izan badira eta diru-laguntza eskatzeko unean jarduera ekonomikoak (enpresakoak edo profesionalak) gauzatzen jarraitzen badute.

Eman beharreko zenbatekoak

Deialdi honen diru-laguntzak 400 eta 1.000 euro artekoak izango dira:

 a) Jarduera guztiz eten behar izan duten sozietateak/autonomoak: 1.000 euro

 b) Beren jarduera guztiz etetera behartuta egon diren sozietateak/autonomoak, jarduerarako soilik den merkataritza-/industria-lokalik ez dagoenean: 600 euro.

 c) Aktibo egon arren, % 60tik beherako diru-sarrerak dituztela egiaztatzen duten sozietateak/autonomoak: 600 euro.

 d) Aktibo egon arren, jarduerarako merkataritza-/industria-lokalik eduki ez eta %60tik beherako diru-sarrerak dituztela egiaztatzen duten sozietateak/autonomoak: 400 euro.

Eskabideak aurkezteko epea eta modua

Eskabideak aurkezteko epea bihar irekiko da, asteazkena, azaroak 25 eta abenduaren 9ra arte egongo da zabalik (egun hori barne).

Hauek Sopelako Udalaren Erregistro Orokorrean aurkeztu beharko dira (Sabino Arana kalea 1), bai eta bide telematikoz ere, Udalaren egoitza elektronikoaren bidez (https://sopela.egoitzaelektronikoa.eus)

Interesdunek deialdiaren oinarrietan aurkituko dute baldintzei, aurkeztu beharreko dokumentazioari eta gainerako baldintzei buruzko informazio gehiago, Udalaren web orrian eta Bizkaiko Aldizkari Ofizialean argitaratuta.

Sartu dezakezu deialdiaren informazioan HEMEN SAKATUZ


Terrazak arautzen dituen ordenantzako aldaketa

Halaber, ostalaritzaren arloan, Sopelako Udalak jakinarazi du terrazak eta mahaitxoak eremu publikoan jartzeko ordenantza eguneratu eta egokitzeko aukera aztertzen ari dela. Aldaketa horrek eremu publikoan terrazak eta mahaitxoak jartzea antolatu, hobetu eta egokitzea ahalbidetuko luke.

Ordenantza berri honen bidez oreka bilatu nahi da jarduera ekonomikoak libreki erabiltzeko eskubidearen eta udalerriko kale eta plaza publikoetan okupatu eta ibiltzeko eskubidea duten herritarren errespetuaren artean. Segurtasun juridiko handiagoa eskainiko luke zerbitzu publiko egokia emateko eta, helburu berarekin, sopeloztar guztiei dagokien jabari publikoa babesteko.

Últimas noticias de Acción social e igualdad

article thumbnail  CUIDADOS EN IGUALDAD. El papel de las mujeres durante la Pandemia y la Crisis Global de los cuidados Vivimos una crisis multidimensional, sistémica, que se cruza e interrelaciona con otras crisis que ya venían de antes, como la ecológica y de cuidados. La pandemia ha puesto en evidencia reivindicaciones que desde el movimiento feminista y los colectivos de mujeres se venían haciendo: la vida...
article thumbnail  Se ofrecerá apoyo a aquellas personas que se empadronen en el municipio, les informarán sobre autorizaciones de residencia y trabajo o se atenderán casos en los que exista una dificultad de acceso a los servicios sanitarios, sociales, de vivienda, de empleo, de justicia y de educación, entre otros servicios. Se trata de una de las 5 líneas de trabajo que incluye el “Programa de Acogida para...
article thumbnail  La Escuela para el empoderamiento de las mujeres de la Mancomunidad Uribe Kosta, Lilagune, ofrecerá durante este mes de marzo los siguientes talleres: Pandemia: cómo nos afecta a las mujeres. Una mirada feminista Ni locas, ni sumisas: Somos Feministas ¡Va por ellas! (...por esas mujeres anónimas admirables que nos dejaron huella) Todos los talleres que se ofrecen son gratuitos. Las plazas serán...
article thumbnail  Es una acción muy visual en la que las protagonistas son mujeres de diferentes edades de Sopela, como representación de las voces del municipio. Se  expondrán en las estaciones de Metro Bilbao de Sopela y Larrabasterra y en las marquesinas de Bizkaibus retratos de 14 mujeres realizados por la fotógrafa sopeloztarra Sara de Diego y se viralizará el vídeo “Miradas de Igualdad” creado por la realizadora...
Más noticias: Acción Social e Igualdad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia